Actualitats
Lo Collectiu Occitan crida a se recampar dimècres davant France Bleu a Tolosa
Dempuèi lo començament de sas mobilizacions lo collectiu a obtengut lo sosten de mai de 600 comunas e qualques departaments
Tèxte legit
Lo Collectiu Occitan tornar far campanha per “l’occitan cada jorn a la television e la ràdio” e crida a se mobilizar dimècres que ven, 22 de març, a 16h davant lo sèti de France Bleu Occitanie, al numèro 78 de l’Andana Joan Jaurés de Tolosa.
Lo 23 de novembre passat, de delegacions del Collectiu Occitan foguèron recebudas a France 3 a Tolosa, Montpelhièr e en Auvèrnhe, e se felicitèron de la qualitat dels escambis amb la cadena publica. Demest d’autras promessas, France 3 Occitanie s’es engatjada a una fòrta campanha de comunicacion pendent la difusion dels 5 episòdis de 40mn en occitan de LaSeria de Piget per tocar un plan larg public.
Ara, lo collectiu pensa organizar de rescontres amb los poders politics regionals per comparar l’evolucion de las desconnexions regionalas en Occitània amb la que se fa, per exemple, en Corsega amb France 3 Corse Via Stella que difusa en lenga còrsa tres programas quotidians d’un genre màger: joventut, jòcs e ficcion, e un perlongament de dètz minutas del jornal televisat regional.
Dempuèi lo començament de sas mobilizacions, en 2018, lo collectiu a obtengut lo sosten de mai de 600 comunas a una mocion que demanda la preséncia jornadièra de l’occitan a la television publica. En mai d’aquò, los departaments d’Aude e de la Nauta Garona votèron una mocion parièra del temps que lo departament de Gard mandava una letra de sosten al ministre de la cultura.
Lo Collectiu Occitan revendica la preséncia de l’occitan dins la ràdio e la television publicas e reünís un desenat de movements occitanistas dont Convergéncia Occitana, l’IEO, la Confederacion Calandreta, lo Partit Occitan, EELV Occitània, País Nòstre, lo Partit de la Nacion Occitana, Bastir Occitània, lo Felibritge e Macarèl.
Una ora e quart per mes
A l’ora d’ara, la television publica francesa non prepausa d’emissions en occitan que 17 oras per an, çò que fa una mejana d’una hora e quart per mes. Aquela preséncia es infima se la comparam amb la preséncia de las lengas autoctònas a las televisions d'estats vesins coma Espanha e lo Reialme Unit.
Lo 23 de novembre passat, de delegacions del Collectiu Occitan foguèron recebudas a France 3 a Tolosa, Montpelhièr e en Auvèrnhe, e se felicitèron de la qualitat dels escambis amb la cadena publica. Demest d’autras promessas, France 3 Occitanie s’es engatjada a una fòrta campanha de comunicacion pendent la difusion dels 5 episòdis de 40mn en occitan de LaSeria de Piget per tocar un plan larg public.
Ara, lo collectiu pensa organizar de rescontres amb los poders politics regionals per comparar l’evolucion de las desconnexions regionalas en Occitània amb la que se fa, per exemple, en Corsega amb France 3 Corse Via Stella que difusa en lenga còrsa tres programas quotidians d’un genre màger: joventut, jòcs e ficcion, e un perlongament de dètz minutas del jornal televisat regional.
Dempuèi lo començament de sas mobilizacions, en 2018, lo collectiu a obtengut lo sosten de mai de 600 comunas a una mocion que demanda la preséncia jornadièra de l’occitan a la television publica. En mai d’aquò, los departaments d’Aude e de la Nauta Garona votèron una mocion parièra del temps que lo departament de Gard mandava una letra de sosten al ministre de la cultura.
Lo Collectiu Occitan revendica la preséncia de l’occitan dins la ràdio e la television publicas e reünís un desenat de movements occitanistas dont Convergéncia Occitana, l’IEO, la Confederacion Calandreta, lo Partit Occitan, EELV Occitània, País Nòstre, lo Partit de la Nacion Occitana, Bastir Occitània, lo Felibritge e Macarèl.
Una ora e quart per mes
A l’ora d’ara, la television publica francesa non prepausa d’emissions en occitan que 17 oras per an, çò que fa una mejana d’una hora e quart per mes. Aquela preséncia es infima se la comparam amb la preséncia de las lengas autoctònas a las televisions d'estats vesins coma Espanha e lo Reialme Unit.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Alavetz? Un tornar sus la mobilizacion lhèu?
Mercés!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari