Actualitats
Tolosa: an revendicat la preséncia de l’occitan a France Bleu
Dimècres, lo Collectiu Occitan manifestèt davant lo sèti de la ràdio publica
Tèxte legit
Dimècres passat, se tenguèt una manifestacion davant lo sèti de France Bleu Occitanie, a Tolosa, per revendicar la preséncia de l’occitan a la ràdio publica, restablir l’estat dels luòcs de la difusion actuala e melhorar la preséncia de la lenga nòstra a l’antena. Prenguèron la paraula de representants del Collectiu Occitan e un elegit de la comuna de Tolosa, Jean-Michel Lattes. Lo Collectiu Occitan contunha la campanha per “l'occitan cada jorn a la ràdio e a la television publica” e d'autras accions son previstas dins las setmanas avenidoiras.
Lo Collectiu Occitan revendica la preséncia de l’occitan a la ràdio e la television publicas, e reünís un desenat de movements occitanistas dont Convergéncia Occitana, l’IEO, la Confederacion Calandreta, lo Partit Occitan, EELV Occitània, País Nòstre, lo Partit de la Nacion Occitana, Bastir Occitània, lo Felibritge e Macarèl.
Lo Collectiu Occitan revendica la preséncia de l’occitan a la ràdio e la television publicas, e reünís un desenat de movements occitanistas dont Convergéncia Occitana, l’IEO, la Confederacion Calandreta, lo Partit Occitan, EELV Occitània, País Nòstre, lo Partit de la Nacion Occitana, Bastir Occitània, lo Felibritge e Macarèl.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vesi pas vertadièrament çò que ven far Catalonha e Ucraina aquí...
L'estat francés seguis opausat e dempuèi totjorn a las culturas que son pas la de la nacion...Cal pas trebolar lo mite nacional...
Ièu pantaissi pas d' una nacion occitana...daissi los mites als mitomans...
Los que son totjorn a desparlar de los que fan per la cultura. ... melhor que se lo remenen...
De nhac!
#5 E be justament... En abrial de 2012, se recampava 30 000 personas per carrièra a Tolosa per aparar la lenga occitana... e en març 2023, un detzenat sonque cap als estudiòs de França Blava ??? Perqué tan pauc de motivacion, ara ? que s'es passat entretemps ? la baissa del nombre de locutors ? pas tant qu'aquò en dètz ans, aquò sufís pas a explicar aquesta caijuda de militantisme en favor de la lenga...
... per contra, entre abrial de 2012 e març de 2023, i a avut d'eveniments màger, d'i soscar :
> setembre de 2012 : lo mot d'òrdre de la Diada en Catalonha ven "Catalunya, nou estat d'Euròpa"
> setembre de 2013 : aqueste còp, "Via catalana cap a l'independéncia"
> En 2014, tostemps en Catalonha, una consultacion per l'autodeterminacion
> enfin en 2017, un referendum per l'independéncia de Catalonha
> entre temps tanben, los locutors russes del Donbass an entemenat un procès per se separar d'Ucraïna (quitament se en realitat foguèron probablament manipulats per Mosco...).
Un pauc a l'imatge de Quebèc, los Catalans an instrumentalizat la lenga catalana, presentada e percebuda coma d'ADN del procès independentista !!! e d'un biais similar, la lenga russa es estada utilizada coma utís del separatisme al Donbass.
E après, vos estonatz que los organismes de l'Estat francés (Blau Frankreich), en mai que i aja pas de dinamica de la cançon occitana, se maufise de la lenga occitana ?
E vos estonatz que los qu'aiman la lenga an un pauc paur en particular dempuèi l'afar catalana, que s'acabèt per un fracàs total, de's mostar en public, vist que i a d'ara enlà una suspicion de "separatisme" sus los locutors d'una lenga diferenta de l'oficiala ?
En abrial de 2012, aparar una lenga vernacularia, semblava quicòm de positiu, legitim e pas brica dangeros.
En 2023... es tostemps legitim, de sigur...
Per contra, ambe Catalonha e Ucraïna, entre 2012 e 2023, la question (pr'aquò legitima per çò que concernís l'occitan !!!) es devenguda sulfurosa !
Soi pas solide que lo contèxt geopolitic (Catalonha e Ucraïna) aja ajudat a sucitar d'interés a promòure l'occitan ! se la lenga es d'ara enlà un utís de separatisma (Catalonha, Donbass), un locutor d'una lenga es, potencialament, percebut coma un separatista.
Me demandi se, justament, los milions de manifestants qu'i a avut en Catalonha entre 2012 et 2017 an pas generat una granda maufisança rapòrt a la question linguistica, e donc una capbussada del vam per aparar la lenga sòrre occitana...
#4 Ah ! Ah ! Ah ! Slavià Isopet !
#2 I èretz, per far massa , amb los 10 glorioses que i son estats ? Foguèssem estats 3 po 4 milions coma los catalans per l'independència, davant la pòrta de Blau Frankreich, benlèu que la musica auriá cambiat lèu lèu…
#2 E sul fons? La revendicacion es justa? l'accion es justa? Se i a pas pro de monde es la fauta dels absents. "Les absents ont toujours tort". Mas me soi daissat dire qu'aprestàvetz una accion bèla per far plegar lo paisatge mediatic francés e permetre l'emergéncia rapida de grands medias de qualitat en occitan; nos'n podèm dire mai se vos plai (amai vòstra imilitat ne patiguèsse)?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari