Actualitats
La presidenta de Moldàvia confirma que lo nom oficial de la lenga es “romanés”
Lo Ministèri dels Afars Estrangièrs de Moldàvia a criticat las interferéncias de Russia
Tèxte legit
Segon Sandu, “aquela lei confirma la vertat istorica. La lenga estatala en Moldàvia es lo romanés. Los qu’an pas cessat de dire pendent de decennis que los ciutadans de Moldàvia parlam moldau e non pas romanés, an una sola tòca: nos devesir”. Aital o a dich pendent la signatura, en tot precisar :“Los qu’ensajan de nos devesir son pas inquiets per la lingüistica, mas pel fach de manténer Moldàvia en un estat d’etèrna discòrdia nacionala”.
Los representants de Russia e Romania son intervenguts dins aquel afar. Los primièrs afirman que lo nom de la lenga deu èsser moldau e non pas romanés, e los segonds l’invèrs. Lo Ministèri dels Afars Estrangièrs de Moldàvia a criticat l’intervencion de Russia, tot en afirmar qu’es una temptativa d’interferir dins los afars intèrnes del país.
Ja en 2013, la Cort Constitucionala de Moldàvia aviá estimat que lo tèxt de la Declaracion d’Independéncia, qu’establís que lo nom de la lenga es “romanés”, prevaliá sus la Constitucion, que li disiá “moldau”.
Moldovan President Maia Sandu has signed the law that will change the name of the official state language from “Moldovan” to Romanian.
— Visegrád 24 (@visegrad24) March 23, 2023
“Moldovan” was a concept invented by the Soviets in an attempt to justify its annexation of Bessarabia (Moldova) from Romania in 1940.
🇷🇴 pic.twitter.com/E2uMMNAx1k
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un companh nos portèt per un dinnar entre amics una botelha de vin moldau, pro bon per ma fe (se'n pòt trapar en cò nòstre). L'etiqueta, coma se fa ara, portava unà pichòta presentacion del vin. Soi pas un especialista del romanés, mas ai qualque idèa dempuèi un sojorn que faguèri del costat de Bucuresti, e francament, vesi pas que çò que portava la dicha etiqueta foguèsse pas de romanés.
#2 Ton "especialista" Blanchet es un arnescaire, un faussaire al servici d'una ideologia fantasierosa negacionista del fach occitan. Un arlèri util per l'ideologia centralista parisenca.
#1 çò qui's passa en un país que pòt estar diferent de çò qui s'i passa en un aute....e comprenes?
Lo contèxte qu'ei hèra diferent. Comparason n'ei pas rason.
A noste que i son mantuas lengas, los especialistas seriós com lo Blanchet qu'ac saben, mes n'empacha pas de's compréner haut o baish e d'avançar amassas.
Segon Maia Sandu, “aquela lei confirma la vertat istorica. La lenga estatala en Moldavia es lo romanés. Los qu’an pas cessat de dire pendent de decennis que los ciutadans de Moldàvia parlam moldau e non pas romanés, an una sola tòca: nos devesir”. Maia Sandu pòt venir far un torn a çò nòstre, en delegacion diplomatica. I trobarà totes los arlèris que prentendon parlar "lo gascon" o "lo provençau" que non i seriá d'occitan, e que non an per tòca qu'una causa : nos devesir !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari