Actualitats
Las familhas del vòl Germanwings 9525 an capitat a cambiar una lei espanhòla
Lo 24 de març de 2015, un avion qu’anava de Barcelona a Düsseldorf foguèt escrachat volontàriament pel copilòt sul Puèg dels Tres Evescats
Tèxte legit
Uèch ans après la tragèdia aeriana qu’aguèt luòc al Puèg dels Tres Evescats (Prealps de Dinha), los parents de las victimas son arribats de cambiar, enfin, la lei espanhòla que permetiá al copilòt qu’auriá escrachat l’avion deliberadament de trabalhar en comjat medical.
Dins l’estat espanhòl, los salariats en comjat per malautiá devon eles portar los papièrs del comjat medical a l’entrepresa. Aquò auriá permés al copilòt Andreas Lubitz de contunhar lo trabalh malgrat un episòdi psicotic depressiu. Lo 24 de març de 2015, Lubitz se seriá volgut suicidar en tombant deliberadament un avion Airbus A320 de la companhiá Germanwings suls Alps occitans e en causant la mòrt de 150 personas. Ara, après uèch ans de combat dels parents de las victimas d’aquela tragèdia aeriana, la lei a cambiat e, a partir del 1r d’abril venent, los comjats medicals seràn comunicats dirèctament pels servicis de la santat a l’entrepresa.
La presidenta de l'associacion de las victimas, Lorda Bonet Aguilar, assegura que contunharàn de se batre per qu’aquela mesura s’aplique dins tota l’Union Europèa.
Ceremònia de remembre al Vernet
Coma cada annada, lo cementèri del Vernet (Prealps de Dinha) aculhiguèt una ceremònia de remembre de las victimas amb una minuta de silenci a 10h41, ora que l’avion tombèt sul Puèg dels Tres Evescats. Puèi aguèt luòc una caminada fins a l’endrech de l’incident, ara qu’an fach una draia per i anar.
Dins l’estat espanhòl, los salariats en comjat per malautiá devon eles portar los papièrs del comjat medical a l’entrepresa. Aquò auriá permés al copilòt Andreas Lubitz de contunhar lo trabalh malgrat un episòdi psicotic depressiu. Lo 24 de març de 2015, Lubitz se seriá volgut suicidar en tombant deliberadament un avion Airbus A320 de la companhiá Germanwings suls Alps occitans e en causant la mòrt de 150 personas. Ara, après uèch ans de combat dels parents de las victimas d’aquela tragèdia aeriana, la lei a cambiat e, a partir del 1r d’abril venent, los comjats medicals seràn comunicats dirèctament pels servicis de la santat a l’entrepresa.
La presidenta de l'associacion de las victimas, Lorda Bonet Aguilar, assegura que contunharàn de se batre per qu’aquela mesura s’aplique dins tota l’Union Europèa.
Ceremònia de remembre al Vernet
Coma cada annada, lo cementèri del Vernet (Prealps de Dinha) aculhiguèt una ceremònia de remembre de las victimas amb una minuta de silenci a 10h41, ora que l’avion tombèt sul Puèg dels Tres Evescats. Puèi aguèt luòc una caminada fins a l’endrech de l’incident, ara qu’an fach una draia per i anar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari