Un abonat de Mediapart a publicat un tèxt entitolat “La demission d’un gendarma”. Segon aquel tèxt, se tractariá de la letra de demission d’un policièr. Dins la letra, ditz que venguèt gendarma “amb l’idèa d’ajudar las victimas”, pensa “totjorn que cal pas daissar aqueles mestièrs a de gents de drecha” mas se vei “pas contunhar dins aquel mestièr que defend un sistèma prigondament injust” e participa a la criminalizacion de las classas popularas.
 
En mai d’aquò, l’autor de la letra apond que “davant l'urgéncia climatica e sociala, se pòt pas demorar de marme envèrs nòstres conciutadans que reclaman un pauc mai de justícia, un pauc mai de solidaritat e d'umanitat”. Se justifica perque, quand vei sus Internet difusats los vidèos de sos collègas, lors manòbras, lor violéncia innecessària e desproporcionada, ben luènh de çò avián aprés a l’escòla, se demanda “çò que demòra de nòstras fòrças de l'òrdre”.
 
Enfin, se declara “en colèra e prigondament decebut d'aquel sistèma, d'aquelas injustícias que trionfan encara un còp de mai” e e vòl “pas pus èsser darrièr el”, mas “davant”. Manifèsta sa  colèra e son malcontentament e vòl “jónher la lucha fàcia a aquel sistèma prigondament injust”.
 
“Passar d'autre costat de la barricada, coma dirián d'unes”, çò conclutz en tot anonciar que demissiona.
 
 
De gendarmas amb lo casco trach e units amb los manifestants?
 
D’autre caire, una coleta de gendarmas mobils foguèron aplaudits dijòus passat pel public, e lo vidèo venguèt viral dins los rets socials.  Lo mond los vesián non pas reprimir los manifestants, mas se traire lo casco e semblar de jónher los protestataris dins lo IXn arredondiment de París, en Carrièra de Provença. Tanben un autre vidèo, tanben viral, mòstra una molonada de Niça a cridar “la polícia emb nautres” e los fòrças de l’ordre lèvan alara lors cascos. Segon Libération, ça que la, aquelas scènas serián subreinterpretadas: a París, los gendarmas aurián simplament acompanhat fins al mètro de manifestants, de per abans blocats, e coma a Niça lo casco trach significariá sonque que los agents se sentián en seguretat. Pasmens, dins un ambient social de tensions fòrtas, aqueles imatges an agut un impacte indiscutible.
 
 
De denóncias de la brutalitat policièra
 
Invèrsament, lo Conselh Europèu e divèrsas ONG de dreches umans an denonciat la brutalitat policièra pendent las manifestacions contra l’impopulara reforma de las retiradas impausada pel govèrn francés. Aquestas denóncias seguisson las declaracions de la Liga francesa dels Dreches de l’Òme, qu'acusa las autoritats francesas de comprometre “lo drech de contèsta dels ciutadans en tot far un usatge desproporcionat e perilhós de la fòrça publica”.

 
 
 
 

🚨Des gendarmes mobiles refusent de servir la #macronie déposent les armes en plein service 23 03 2023 #Paris IX rue de provence#manifestation#greve23mars#Revolution#ReformesDesRetraites#Manifestations#France#Reuters#AFP#CNews#Macron#Reconquete#MacronDestitutionpic.twitter.com/qnaAUyu0EK

— CharlesHenry Delapomme 🇫🇷Z🌿 (@CHenryDelapomme) March 23, 2023

 

#Manifestations en #France: Les violences doivent cesser. C’est une condition nécessaire à l’exercice effectif des libertés d’expression et de réunion, ainsi qu’à la confiance entre la population et les forces de l’ordre. https://t.co/G5lIvzpDkU

— Commissioner for Human Rights (@CommissionerHR) March 24, 2023

 

URGENT - #SainteSoline#Manifestation#Megabassines
Madame @Prefet79, laissez passer les secours d’urgence !
Nos observateurs ont constaté l’entrave par les forces de l’ordre à l’intervention des secours pour une situation d’urgence absolue 1/8 ⤵️ pic.twitter.com/Bp0Fu1LIYB

— LDH France (@LDH_Fr) March 25, 2023