capçalera campanha

Actualitats

EnvironamentPoliticaSocietat

De centenas de nafrats dins una protèsta per l’aiga en Peitau

Se rapòrta environ 200 nafrats dont un se bat entre la vida e la mòrt

Tèxte legit

Almens dos cents nafrats, dont qualques unes en urgéncia absoluda e un en còma entre la vida e la mòrt, es lo bilanç de la repression policièra de la protèsta de dissabte passat contra una megabacina dins la comuna peitavina de Sainte-Soline. Segon lo ministèri public de Niòrt, 3 manifestants serián grèvament nafrats e 7 deguèron èsser preses en carga pels socorses. Segon la Confederacion Païsana, lo collectiu d’associacions Bacinas Non Mercé e lo movement ecologista dels Soslevaments de la Tèrra, lo bilanç es de 200 manifestants nafrats, dont 40 grèus. De son caire, lo Ministèri de l’Interior compta 24 gendarmas nafrats. Un fotograf de Sud-Ouest patiguèt de lesions al cap e dins una man per l’impacte de pèiras e d’un coctèl Molotov. Lo ministèri public de Niòrt mençona 11 manifestants detenguts dont 7 en gàrdia a vista.
 
De desenas de tractors acompanhavan dissabte de milièrs de manifestants, 6000 segon la prefectura e 30 000 segon los organizaires. Protestavan contra la bastison d’una megarestanca d’aiga (megabacina, segon la terminologia francesa) d’irrigacion per l’agricultura intensiva. La protèsta foguèt enebida per las autoritats qu’i desplacèron 3200 gendarmas.
 
Al total, los gendarmas detenguèron 15 manifestants que portavan de bòlas de petanca, de pigassas, de botelhas de gas, de coctèls Molotov o de material inflamable.
 
“Mentre que lo país se lèva per defendre las retiradas, farem simultanèament front per defendre l'aiga”, çò revendican los organizaires, qu'an installat un campament a qualques quilomètres de Sainte-Soline, sus la comuna de Vanzay, al bòrd del perimètre de defensa.
 
La Liga francesa dels Dreches de l’Òme planh que s’empedisca l’accès a la megarestanca quin que ne siá lo còst uman, e anóncia que lèu publicarà un rapòrt d’analisi complet e detalhat sus la gravetat de la situacion.




 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

bilou31
4.

val melhor demorar a casa, es mei ''safe''

  • 0
  • 0
Jiròni B. Sent Liunard
3.

Pas de tractor sus lo site de la "megarestanca", eran interdichs per la prefectura. Se ditz que resteren au camp de basa a quauques km.

  • 2
  • 0
Pitaluga
2.

Los govèrns neoliberals an declarat la guèrra a nòstre mitan de vida. Sèm tornats a l'estat policièr.

  • 6
  • 2
Gael Puech sericon
1.

E lo ministeri Darmanin que ven d'anunciar la dissolution de l'asociacion "Le soulèvement de la Terre".

  • 4
  • 0

Escriu un comentari sus aqueste article