Actualitats
Escòcia: Humza Yousaf ven cap de l’SNP e serà lo novèl primièr ministre del país
Fins ara ministre escocés de la santat, representava la continuitat amb la politica de Nicola Sturgeon
Tèxte legit
Fins ara ministre escocés de la santat, Humza Yousaf es lo ganhaire de las primàrias del Partit Nacional Escocés (SNP) e ne serà lo novèl cap. En aquela votacion, convocada après la demission inesperada de Nicola Sturgeon, s’es impausat al segond torn sus la ministra de las finanças, Kate Forbes, amb lo 52,1% dels vòtes contra lo 47,9%, dins l’encastre de primàrias que causèron d’importantas divisions intèrnas.
Al primièr torn, Yousaf n’aviá obtengut 24 336, Forbes 20 559 e Ash Regan sonque 5599. Regan es estada eliminada e al segon torn Yousaf e Forbesan an recebut 26 032 vòtes e 23 890, respectivament.
Uèi, i a una votacion al parlament escocés per elegir lo primièr ministre, mas amb lo sosten dels Verds escoceses es segur que Yousaf aurà los vòtes necites. Lo novèl cap, per tant, dirigirà desenant lo govern escocés, qu’assaja d’obténer un segond referendum d’independéncia. Dins son discors de victòria, Yousaf a dich que l’independéncia se ganharà pòrta a pòrta e s’es engatjat a aviar una campanha de basa: “Serem la generacion que ganharà l’independéncia d’Escòcia”.
Abans la renonciacion d’Sturgeon, s’èra convocada per aqueste mes de març una conferéncia de l’SNP per discutir los detalhs sul biais de tresmudar las eleccions britanicas en un referendum de facto sus l’independéncia, mas aquela conferéncia s’es remandada a las pòrtas de l’estiu. Yousaf ara deurà decidir se reconsidèra l’estrategia e pren un camin d’a fons novèl.
Que prepausava Yousaf?
L’actual ministre de la santat, Humza Yousaf, de trenta sèt ans, a centrat la campanha de las primàrias sus son experiéncia de gestion publica, amb de pòstes al govèrn dempuèi 2012, e sul fach d’èsser l’opcion contunhista.
Yousaf èra l’opcion qu’ofrissiá mai d’estabilitat. Pr’aquò, es pas tan popular coma Sturgeon e, d’efièch, solament lo 6% de la populacion se pensa qu’o fariá melhor que la futura èx-primièra ministra, mentre que lo 46% crei qu’o fariá pièger.
Sul biais de pervenir a l’independéncia, se mòstra fòrça ambigú. A dich que se deu escotar totes els militants e qu’es pas “maridat” amb cap d’idèa concreta. Lo candidat s’es declarat dobèrt al fach d’utilizar las eleccions britanicas coma un referendum de facto e mai de convocar d’eleccions anticipadas al parlament escocés per mesurar lo sosten a l’independéncia, mas sens far siá cap d’aquelas proposicions. Yousaf a precisat que vòl passar per una draia legalament segura e que cal tornar als principis basics en ramentant al mond perqué l’independéncia es necita, e en creant una majoritat que faga indiscutible que “l’independéncia s’es tresmudada en la volontat establida del pòble escocés”. Un procès que, segon el, pòt durar d’annadas: “Coma dirigent de l’SNP e primièr ministre, menarai lo sosten a l’independència a de nòus nivèls, ont la volontat del poble escocés se poirà pas pus negar.”
De notar que dins lo camp internacional Yousaf èra lo candidat que seguiguèt mai lo procès d’independéncia de Catalonha e Aran, e que publiquèt de messatges contra las senténcias que ne foguèron victimas los independentistas catalans e contra la violéncia de la repression espanhòla durant lo referendum de 2017 del Primièr d’Octòbre.
Al primièr torn, Yousaf n’aviá obtengut 24 336, Forbes 20 559 e Ash Regan sonque 5599. Regan es estada eliminada e al segon torn Yousaf e Forbesan an recebut 26 032 vòtes e 23 890, respectivament.
Uèi, i a una votacion al parlament escocés per elegir lo primièr ministre, mas amb lo sosten dels Verds escoceses es segur que Yousaf aurà los vòtes necites. Lo novèl cap, per tant, dirigirà desenant lo govern escocés, qu’assaja d’obténer un segond referendum d’independéncia. Dins son discors de victòria, Yousaf a dich que l’independéncia se ganharà pòrta a pòrta e s’es engatjat a aviar una campanha de basa: “Serem la generacion que ganharà l’independéncia d’Escòcia”.
Abans la renonciacion d’Sturgeon, s’èra convocada per aqueste mes de març una conferéncia de l’SNP per discutir los detalhs sul biais de tresmudar las eleccions britanicas en un referendum de facto sus l’independéncia, mas aquela conferéncia s’es remandada a las pòrtas de l’estiu. Yousaf ara deurà decidir se reconsidèra l’estrategia e pren un camin d’a fons novèl.
Que prepausava Yousaf?
L’actual ministre de la santat, Humza Yousaf, de trenta sèt ans, a centrat la campanha de las primàrias sus son experiéncia de gestion publica, amb de pòstes al govèrn dempuèi 2012, e sul fach d’èsser l’opcion contunhista.
Yousaf èra l’opcion qu’ofrissiá mai d’estabilitat. Pr’aquò, es pas tan popular coma Sturgeon e, d’efièch, solament lo 6% de la populacion se pensa qu’o fariá melhor que la futura èx-primièra ministra, mentre que lo 46% crei qu’o fariá pièger.
Sul biais de pervenir a l’independéncia, se mòstra fòrça ambigú. A dich que se deu escotar totes els militants e qu’es pas “maridat” amb cap d’idèa concreta. Lo candidat s’es declarat dobèrt al fach d’utilizar las eleccions britanicas coma un referendum de facto e mai de convocar d’eleccions anticipadas al parlament escocés per mesurar lo sosten a l’independéncia, mas sens far siá cap d’aquelas proposicions. Yousaf a precisat que vòl passar per una draia legalament segura e que cal tornar als principis basics en ramentant al mond perqué l’independéncia es necita, e en creant una majoritat que faga indiscutible que “l’independéncia s’es tresmudada en la volontat establida del pòble escocés”. Un procès que, segon el, pòt durar d’annadas: “Coma dirigent de l’SNP e primièr ministre, menarai lo sosten a l’independència a de nòus nivèls, ont la volontat del poble escocés se poirà pas pus negar.”
De notar que dins lo camp internacional Yousaf èra lo candidat que seguiguèt mai lo procès d’independéncia de Catalonha e Aran, e que publiquèt de messatges contra las senténcias que ne foguèron victimas los independentistas catalans e contra la violéncia de la repression espanhòla durant lo referendum de 2017 del Primièr d’Octòbre.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Segur qu'a primièra vista sembla estranh, mas se lo gus fa plan lo trabalh, qu'enchaut ? Es un american a mitat espanhol, Eamon de Valera, que menèt Irlanda a l'independència.
Aquí lo novèl espèr pels pòbles d'Euròpa.
Simbolicament aquela es gostosa e a de que faire soscar : un cap indepententista escossés originari del Paquistan fàcia a una Englatèrra governada per un primièr ministre originari d'India. Mas aprèp tot lo bon rei Renat de Provença èra pas provençal, èra un francimand d'Anjou, tan coma l'imperatriz de Russia , Catarina la Granda, qu'èra pas russa mas alemanda o lo rei de Suècia, Bernadota qu'èra pas un escandinau mas...un occitan (!) , un brave biarnès originari de Pau. Coma que, i-aurà totjorn de que ne soscar sus la relativitat de las identitats...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari