Jos era devisa “L’as ena punta dera lengua, trè er aranés”, eth Conselh Generau d’Aran a presentat ua campanha adreçada as joeni deth país entà conscientizar as mès joeni d’emplegar er occitan ena vida vidanta, enes reacions sociaus e en Internet.
 
En totau, era campanha compde damb sies messatges creatius e incorpòre quauqui anglicismes emplegadi abituaument pes joeni entà lançar-les eth messatge dera importància de mantier viua era lengua e d’emplegar-la abituaument enes relacions umanes e sociaus. Ei pensada entà difóner enes hilats sociaus e enes mèdies audiovisuaus mès tanben i a prevista ua campanha d’afiches publiques.
 
“Era critica situacion que trauèsse era nòsta lengua, requerís accions d’impacte e cercar recorsi naui e encoratjants entà apropar er aranés as naues generacions, entà que siguen conscients deth ròtle tant important que jòguen ena perviuéncia dera nòsta lengua e era nòsta cultura”, çò diguec era sindica d’Aran, Maria Vergés, en acte de presentacion dera campanha qu’auec lòc deluns passat.

Aranés - Conselh Generau d´Aran (conselharan.org)
 
 

🗣Eth govèrn d’Aran presente era campanha de sensibilizacion der aranés: “L’as ena punta dera lengua”.

📲Tota era informacion: https://t.co/IOdMxyoAy4pic.twitter.com/ri4pWjlTcU

— Conselh Generau d'Aran (@conselharan) March 28, 2023

 

📍 Presentacion dera naua campanha de sensibilizacion der aranés impulsada peth departament de Lengua e Cultura deth Conselh Generau d'Aran entà prebotjar er emplec dera nòsta lengua entre era joenessa deth territòri! #LasEnaPuntaDeraLengua#TrèErAranéspic.twitter.com/R2LtKlmQoe

— Conselh Generau d'Aran (@conselharan) March 27, 2023