“De mesuras excepcionalas per de circonstàncias excepcionalas”, çò ditz lo rapòrt d’expèrts en emergéncias climaticas de la Barraca de Fraisse (Segalar Roergàs) que prepausa, fàcia a la secada, de donar en adopcion als ciutadans del canton los peisses de l’estanh de Carcenac Peiralés. D’aqueste biais, quand lo debit de l’aiga de l’estanh serà tornarmai en de condicions acceptablas, los peisses poirián tornar dins lor abitat natural.
 
En mai d’aquò, lo rapòrt prepausa tanben d’adaptar l’agricultura del parçan a las nòvas condicions climaticas, compte tengut de la pojada de las temperaturas. Per exemple, se prepausa la cultura de bananas, una espècia que s’adaptariá fòrt plan a las nòvas condicions climaticas del Segalar Roergàs. Enfin, doncas, lo canular de la còla de Dètz TV sus La Banana de Segalar poiriá venir lèu una realitat.