capçalera campanha

Actualitats

PoliticaSocietat

Niça: sèt oras en gàrdia a vista per un palhasso amb l’efígia de Macron

L’intersindicala denóncia una intimidacion “intolerabla e inacceptabla”

| L\'Humanité

Tèxte legit

Un ensenhaire niçard, militant sindical, foguèt arrestat e manotat, aguèt son domicili perquisicionat e foguèt mes sèt oras en gàrdia a vista per aver creat un palhasso tradicional niçard amb l’efígia d’Emmanuel Macron e l’aver plaçat suls ralhs, davant un tren qu’imitava una mesa a mòrt dins l’encastre d’una manifestacion contra la reforma de las retiradas. Se tracta d’un òme que fa sautar lo palhasso dempuèi cinc ans pendent d’amassadas pacificas, çò rapòrta Nice-Matin.
 
L’acusavan d’otratge a una persona depositària de l'autoritat publica, de provocacion publica a la comission de crimes o delictes sens intencion de los perpetrar. Fin finala, la gàrdia a vista foguèt levada sens que cap de carga foguèsse retenguda contra el.
 
L’intersindicala a denonciat aquela intimidacion dins un comunicat. La considèran coma “una deriva judiciària envèrs un acte d'una banalitat granda” del temps que remembran que lo palhasso niçard es una tradicion de carnaval e que s’atacar a aquel simbòl es entrepachar la libertat d'expression.
 
Dins lo comunicat, planhon que de metòdes d’intimidacion d’aquela mena sián estats aplicats dins fòrça vilas de l’estat francés, e los jutjan “intolerables e inacceptables”.

 
 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Pitaluga
3.

Paure palhassa : li far la cara del Macron ! Seriá aquesta la rason de l'arrestacion, se poiriá comprene. Mas pensar que mostrar lo rei nud es delicte, aquo òc es una perversion del drech.

  • 4
  • 1
Reinat TOSCANO Lo Vau
2.

Un pauc de mesura, pasmens: siguesse solament per aver mandat lo palhasso en l'ària, seria inadmissible; aquí, cen qu'es condamnat, es de l'aver mes sus lo ralh.

  • 10
  • 0
Franc Bardòu
1.

Crime de lèsa-majestat ?

  • 12
  • 0

Escriu un comentari sus aqueste article