Actualitats
Baiona: manifestacion per un lotjament digne
N’an pro de las residéncias segondàrias, dels moblats de torisme e tanben dels “efièches nefastes” del mercat
Tèxte legit
Dins lo cortègi i aviá la preséncia de mai d'un elegit, dont Jean-René Etchegaray, cònsol màger de Baiona e president de la comunautat d'aglomeracion Bascoat, Alain Iriart, cònsol màger de Sant Pèir d'Irúber, Kotte Ecenarro, cònsol màger d’Hendaia, Daniel Olçomendy, cònsol màger d’ Òstavath-Asme, Iker Elizalde, conselhièr departamental, o Peio Etxeleku, elegit del PNB a Cambon. Après la manifestacion, a partir de 17h, una fèsta populara se tenguèt jols capitèls sus l'esplanada Roland Barthes.
Las bandeiròlas revendicavan que se taxèsse los milionaris e non pas los locataris e que precisament se destinèsse lo lotjament a la gent e non pas a l'argent. N’an pro de las residéncias segondàrias, dels moblats de torisme e tanben dels “efièches nefastes” del mercat. Dempuèi fin 2019, lo prètz del m² a aumentat del 35 % sul territòri, segon la Federacion Nacionala de l'Immobilièr (Fnaim), amb de pics d'8000 a 10 000 èuros dins de vilas coma Biàrritz o Sant Joan de Lus, çò precisa Libération.
Malgré la pluie, la #manifestation sur le #logement a rassemblé 3 500 personnes selon les organisateurs aujourd'hui à Bayonne sous le slogan « Stop ! Aski ! " @LogementEHhttps://t.co/BgRW9nwTUzpic.twitter.com/H3HOBaS8vW
— Mediabask info (@MediabaskInfo) April 1, 2023
Manifestation au Pays Basque pour le droit de se loger. Solidaires était là aux côtés des autres organisations et manifestant·es pour dire "Stop, Aski" ! La question du logement, c'est aussi une question du partage des richesses ! pic.twitter.com/2RgQcemyvC
— Solidaires 64 (@Solidaires64) April 1, 2023
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dins son darrièr ensag "Les Dépossédés", lo geograf Christophe Guilluy mòstra plan cossi la borgesia parisenca (e sos avatars bobos-aparisenquits) s'es apoderada las còstas maritimas e las ciutats del "sud" per ne far de territòris reservats. Endreches que davant la pojada demenciala de l'imobiliar deguda a-n-aquesta colonizacion pels richasses ("gentrification" in v.o.) los estatjants s'i pòdon pas pus logar e son relegats dins un rèire-païs que s'aluencha totjorn de mai en mai. Fa pus de cinquanta ans lo Claude Marti cantava jà cossi lo pòble se trapava a cha pauc desposseït del seu païs per las potèncias d'argent : " Son venguts e nos an pres la tèrra, son venguts amb la fòrça de l'argent ! Son venguts e nos an pres la còsta, son venguts per vendemiar d'argent !"
Que i èra tanben lo deputat auloronés NUPES de la de la IVau circonscripcion (la bascobearnesa), Iñaki Echaniz.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari