Actualitats
Escòcia aurà un Ministèri per l’Independéncia
Sa tòca es d’avançar sul procès d’independéncia en coordenant lo trabalh de tota l’administracion
Tèxte legit
Coneissèm pas encara los detalhs d’aquel ministèri inedit, mas sabèm que sa tòca serà d’avançar sul procès d’independéncia en coordenant lo trabalh de tota l’administracion. Segon Yousaf, los activistas son fondamentals mas es de besonh d'utilizar "la maquinària del govèrn per finançar la causa”. Lo primièr ministre considèra que se l’SNP foguèt elegit amb lo programa de l’independéncia es legitim de se’n servir del govèrn per i pervenir.
Lo nòu pòrtafuèlha ministerial lo ten Jamie Hepburn, de 42 ans e que fa partida del Partit Nacional Escocés dempuèi qu’èra estudiant. Deputat dempuèi 2011, a ja agut qualques responsabilitats al govèrn escocés dont lo Ministèri dels Espòrts, lo de las Entrepresas e lo de l’Educacion Superiora.
1. Having joined @theSNP as a teenager and having campaigned for independence as the key to creating a better Scotland for over 25 years, it is a tremendous honour to have been asked by the First Minister to serve as the @scotgov Minister for Independence.
— Jamie Hepburn MSP (@jamiehepburn) March 30, 2023
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 L'independència escossèsa engimbrada d'escondon per Washington ? Ne caldria assabentar lèu-lèu lo Carles Puigdemont, segur qu'a Washington i traparia una ajuda mai segura que non pas aquela del parlament europenc per far accedir Catalonha a l'independéncia. Galejada per galejada, benlèu que nos caldria tanben demandar a l'America una ajuda per menar Occitània Granda cap a l'independéncia. E per la mèsma escansença donaria per un còp rason a-n-aquel tamborinaire, teorician "és occitanitude", del sègle passat que nos presicava "Vive l'Américke ! ". Fabulous, isn't ?
Quina independéncia esperar? Aqueth endividu qu'esto causit per ambaishador american a Londres e hèit a Washington peth Despartament d'Estat american.
Ua prova encara dera preséncia politica e deth poder de decis der imperialisme american en Europa occidentau. .
Escòcia es l'espèr dels pòbles colonisats.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari