Actualitats
Polemica per l’aparicion de Marlene Schiappa dins PlayBoy
La secretària d’estat encargada de l’economia Sociala e de las associacions apareis sus la primièra pagina de la revista erotica
Tèxte legit
Polemica dins l’estat francés per l’aparicion sus la primièra pagina de la revista erotica PlayBoy de la secretària d’estat encargada de l’economia sociala e de las associacions Marlène Schiappa. La politiciana a concedit a la revista una entrevista de dotze paginas que parla, entre d’autras causas, dels dreches de las femnas e de las personas LGBTI. Aquela decision a desvelhat fòrça criticas, non solament dels autres partits mas del quite govèrn. An pas solament criticat la primièra pagina mas tanben lo fach qu’aquò se passe dins las circonstàncias actualas de protèstas socialas contra la reforma de las retiradas.
La primièra ministra, Elisabeth Borne, a declarat que la primièra pagina èra pas “apropriada”, “mai que mai pendent aqueste periòde”, çò explica BFMTV. Pel partit ecologista d’esquèrra EELV, Sandrine Rousseau a dich que s’agissiá “d’un ecran de fumada” per o aver fach en plena crisi. De son caire, Jean Luc Mélenchon, la personalitat màger de La França Insomesa, a criticat tant l’aparicion dins PlayBoy coma la decision del president Macron d’aver donat una entrevista al magazine infantil Pif Gadget.
Quant a ela, Schiappa a reivindicat l’aparicion e defendut “lo drech de las femnas a aver lo contraròtle de lors còrses”. Ramentem que la secretària d’estat es l’autora de romans erotics amb lo chafre de Marie Minelli.
La primièra ministra, Elisabeth Borne, a declarat que la primièra pagina èra pas “apropriada”, “mai que mai pendent aqueste periòde”, çò explica BFMTV. Pel partit ecologista d’esquèrra EELV, Sandrine Rousseau a dich que s’agissiá “d’un ecran de fumada” per o aver fach en plena crisi. De son caire, Jean Luc Mélenchon, la personalitat màger de La França Insomesa, a criticat tant l’aparicion dins PlayBoy coma la decision del president Macron d’aver donat una entrevista al magazine infantil Pif Gadget.
Quant a ela, Schiappa a reivindicat l’aparicion e defendut “lo drech de las femnas a aver lo contraròtle de lors còrses”. Ramentem que la secretària d’estat es l’autora de romans erotics amb lo chafre de Marie Minelli.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Coma res es daissat à l'azard dins un cliché fotografic, mai que mai quand aquel afar es estat engimbrat de cima en comba per l'equipa de com' del govèrn, quin es lo messatge que fai passar aquesta fotografia ? Aquel d'una mestrèssa dominatritz e agressiva, li manca pas que lo foèt e las botas de menaira de "schlague". Resuma plan l'esperit del poder macronian.
"Ramentem que la secretària d’estat es l’autora de romans erotics amb lo chafre de Marie Minelli."
Plan vertat, ne vaqui quauques titols, agachats sul siti d'un librari grand : "Les filles bien n'avalent pas" , "Osez les sexfriends" , "Sexe mensonges et banlieues chaudes"..eca.. eca... A l'imatge de tota aquesta còla macroniana ?
Bensai una mica de gelosiá ?
La Schiappa , sota-ministra de l'Economia sociala e solidària e Matthias Savignac, president de la MGEN (Mutuala generala de l'Educacion nacionala es lo coble a la mòda que merita l'atencion de Paris Match. Pichòt problèma : lo camp de la sota-ministra compren las mutualas. E la sota-ministra s'es pas privada per far de proselitisme. Amb de declaracions ditirambicas sul grop VYV que la MGEN ne fa partida e, de l'ONU estant, una polida promocion de son romeo de president de la MGEN.
Tot aquò a obligat la Borne a recuperar per decrèt totes los dossièrs tocant los grops mutualistas. Borne, qu'a ja recuperat la partida de la justícia ont lo Dupont-Moretti es implicat. Sens oblidar qu'es Primièra ministra E Ministra de l'Ecologia. Aürosament que i a lo 49.3 per li facilitar las causas.
Res de novèl sul front de la Macronia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari