Actualitats
La fin de la finlandizacion
Finlàndia ven lo sòci numèro 31 de l’OTAN
Tèxte legit
Lo mot “finlandizacion”, que trobam dins lo diccionari de Josiana Ubaud, lo caldrà pas apondre dins los autres diccionaris occitan après l’intrada de Finlàndia dins l’OTAN. Aquel tèrme, que tanben trobam en francés, catalan o italian, lo creèron los mèdias pendent la Guèrra Freja per descriure la politica de neutralitat absoluda excercida per Finlàndia forçada per las exigéncias de l’Union Sovietica, e puèi de Russia.
Per tant, la finlandizacion, inventada en rason de l’influéncia que l’exercissiá l’URSS sus Finlàndia après lo tractat finlandosovietic de 1948, perdurèt fins al 4 d’abril de 2022.
1340 km de frontièra amb Russia
Dimars passat, d’efièch, Finlàndia venguèt lo membre numèro 31 de l’OTAN, après un procès de gaireben un an. Lo país escandinau a una frontièra de mai de 1340 quilomètres amb la Federacion Russa. Dins aquel sens, l’estrategia de Putin d’atacar Ucraïna per alonhar l’OTAN de sas termièras a mal capitat. Ara, Finalàndia deu decidir s’encara vòl que se deplegue de tropas de l’OTAN dins son territòri, un subjècte que, per ara, dison qu’an pas encara tocat.
Suècia tanben demandèt de far partida de l’aliança atlantica, a causa de l’invasion russa d’Ucraïna, mas son integracion contunha d’èsser blocada pels vètos de Turquia e d’Ongria. Mas a la diferéncia de Suècia, Finlàndia es un país fòrça armat qu’a encara lo servici militar e que compta 200 000 soldats per un país de 5,5 milions d’abitants, mens de la mitat dels estatjants d’Occitània.
Per tant, la finlandizacion, inventada en rason de l’influéncia que l’exercissiá l’URSS sus Finlàndia après lo tractat finlandosovietic de 1948, perdurèt fins al 4 d’abril de 2022.
1340 km de frontièra amb Russia
Dimars passat, d’efièch, Finlàndia venguèt lo membre numèro 31 de l’OTAN, après un procès de gaireben un an. Lo país escandinau a una frontièra de mai de 1340 quilomètres amb la Federacion Russa. Dins aquel sens, l’estrategia de Putin d’atacar Ucraïna per alonhar l’OTAN de sas termièras a mal capitat. Ara, Finalàndia deu decidir s’encara vòl que se deplegue de tropas de l’OTAN dins son territòri, un subjècte que, per ara, dison qu’an pas encara tocat.
Suècia tanben demandèt de far partida de l’aliança atlantica, a causa de l’invasion russa d’Ucraïna, mas son integracion contunha d’èsser blocada pels vètos de Turquia e d’Ongria. Mas a la diferéncia de Suècia, Finlàndia es un país fòrça armat qu’a encara lo servici militar e que compta 200 000 soldats per un país de 5,5 milions d’abitants, mens de la mitat dels estatjants d’Occitània.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Au fèit, qu'avetz escriut, quauques setmanas i a: "lo mes de mars se passera pas sens que la veritat siaja coneiguda. Coma en 1945 porria i aver daus tribunaus de Nuremberg."
Per çò que podem véder, la vòsta "vertat" n'a pas hèit hèra de rambalh. E, on n'ei lo navèth Nuremberg?
#1 Ne'vs ei pas viengut peu cap que l'adesion de la Finlàndia a l'OTAN e posca estar ligada a l'ataca de l'Ucraïna per Poutine?
A l'òra d'ara lo Vladimir Poutine qu'ei lo mei gran propagandista de l'OTAN. A las purmèras de 2022, aquesta organisacion qu'èra pro flaca. E mercés à l'invasion de l'Ucraïna, que s'i ei escadut a convéncer dus país neutres (Finlàandia e Suèda) d'i aderir.
Quò es la fin de l'OTAN e de l'UE.
La guerra d'Ukraina es pas dirigeada contre l'Ukraina ni contre un autre pais europeen mas plan contre l'OTAN que representa lo passat colonialiste occidental, que representa la societé daus banquiers que son trapats a far banquerota.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari