Actualitats
Oganda apròva una de las leis mai omofòbas del Mond
Se prepausa de penas de 20 ans de preson e mai la pena capitala per las personas que s’identifican coma LGBT
Tèxte legit
Lo parlament d’Oganda aprovèt lo 21 de març passat una de las leis omofòbas mai duras del Mond, que prepausa de penas de 20 ans de preson e, en certans cases, la pena capitala, per las personas que s’identifican coma LGBT.
Las relacions entre personas del meteis sèxe èran ja enebidas e punidas a perpetuitat en aquel país african, mas ara s’enebís quitament de “far promocion de l’omosexualitat e tanben de conspirar per cometre d’actes omosexuals”, segon çò que rapòrta Reuters. La tòca de la lei es de protegir “la cultura crestiana, las valors familialas legalas, religiosas e tradicionalas dels ogandeses dels actes que pòscan promòure la promiscuitat sexuala”.
Segon la lei, la pena capitala se pòt invocar en cas d’actes sexuals comeses sens consentiment, jos coaccion, amb d’enfants, per incèst o amb de personas andicapadas.
Human Rights Watch avertís que la lei violarà los dreches dels ogandeses. “Una caracteristica extrèma d’aquesta lei es que criminaliza de personas pel fach d’èsser qui son e mai manca als dreches a l’intimitat e a las libertats d’expression e d’associacion, que son ja feblas en Oganda”.
Una campanha de dons s’es entamenada sus AllOut per ajudar los collectius LGBT ogandeses.
Las relacions entre personas del meteis sèxe èran ja enebidas e punidas a perpetuitat en aquel país african, mas ara s’enebís quitament de “far promocion de l’omosexualitat e tanben de conspirar per cometre d’actes omosexuals”, segon çò que rapòrta Reuters. La tòca de la lei es de protegir “la cultura crestiana, las valors familialas legalas, religiosas e tradicionalas dels ogandeses dels actes que pòscan promòure la promiscuitat sexuala”.
Segon la lei, la pena capitala se pòt invocar en cas d’actes sexuals comeses sens consentiment, jos coaccion, amb d’enfants, per incèst o amb de personas andicapadas.
Human Rights Watch avertís que la lei violarà los dreches dels ogandeses. “Una caracteristica extrèma d’aquesta lei es que criminaliza de personas pel fach d’èsser qui son e mai manca als dreches a l’intimitat e a las libertats d’expression e d’associacion, que son ja feblas en Oganda”.
Una campanha de dons s’es entamenada sus AllOut per ajudar los collectius LGBT ogandeses.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Plan mercés per aquestas precisions !
Se t'ai plan seguit, lo dictator a començat per d'aficar marxista, puèi es vengut un dictator corromput coma tantes autres. Per çò qu'es del mitan dels afars, es fòrça complicat d'i veire clar de l'exterior. Segur que pòt aver trobat d'aprovesiments financièrs mai o mens personals amb unas entrepresas exterioras (francesas o americanas fins a fa pauc, mas ara, tanben, indianas o chinesas) al territòri de l'estat, e que venon espleitar sas resorças (amb un còst de man d'òbra derisòri). Çò qu'es fòrça malaisit de jutjar, es çò que li será arribat, al dictator, aguèsse rebutat una corrupcion aital. Çò mai probable es qu'una autra fòrça armada, dita "revolucionària" (o marxista, aquò rai…) li auriá fait petar un còp d'estat, per lo sortir d'aquí puèi far d'afars amb lo financiaire potencial d'aquel còp d'estat.
Mas totas aquelas magolhas o autras garrolhas non explican, a priori, perqué secutar aital los omosexuals… Aquò fa plan segur pensar a una politica del boc emissari, per agradar a de mond a las angonias, mas a res non còsta. Esquèrra espectacle : òm autoriza lo maridatge omosexual. Dreita espectacla : òm secuta los omosexuals. Meteissa nocion d'espectacle politic a res non còsta : de trebalh de veirina per amagar la misèria e sos escandals. Tot çò que disi aicí non es res que d'especulacion davant l'inadmissible : la persecussion.
#1 Bonas questions. Dempuèi 1986, après un còp d'estat militar, Oganda es un regim autoritari contrarotlat pel president actual e son partit, lo Movement de Resisténcia Nacionala. Sembla d'aver evoluit del marxisme a una mena de nacionalconservatisme mai o mens social. Lo president, o puslèu dictator, Museveni es un anglican mas sas motivacions me semblan mai ligadas al conservatisme de son regim que sa religion, puèi que l'anglicanisme fa partida dels sectors mens conservators del cristianisme envèrs los LGBT, dempuèi la nominacion d'un evesque omosexual als Estats Units en 2003. D'un biais general, cresi que l'omofobia en Africa, del nòrd al sud, es quicòm d'espandit, per de motius que caldriá d'efièch aprigondir.
Manca un pauqueton d'informacion a aqueste article. Quina es l'orientacion politica generala d'aquel "parlament d'Oganda" ? Son de fascistas d'ultradreita ? De catolics integristas ? De musulmans integristas ? De marxistas revolucionaris ? De neoliberals a la salça Macron-Hollande ? Qué los a menats a préner una decision tan pegassa ? Lo pauc que ne disètz pòrta a soscar que seriá de mariòls de dreita "catolica tradicionala", tant val dire d'integristas catolics, totun. Mas benlèu son d'integristas protestants, coma mantes americans dels EUA ? Aquò manca un pauquet d'informacion, me sembla.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari