Dimars passat, 4 d’abril, lo cantador Eric Fraj presentèt lo recital Resisténcia al memorial del camp de Ribesaltes (Catalonha). Acompanhat del guitarrista Morgan Astruc, l’espectacle presentèt de cançons en espanhòl, catalan, occitan e francés, per tornar dire la necessitat de resistir a l’injustícia, l’inumanitat, la bestiesa racista e l’obscurantisme. Lo recital se debanèt a l’escasença de l’inauguracion “Tèrras frairalas” que mòstra l’istòria de la region dins l’encastre dels moments de solidaritat e fraternitat. En collaboracion amb Ràdio Occitània, Jornalet prepausa cada dimenge una entrevista àudio del podcast de la ràdio tolosana. Aqueste còp prepausam l’entrevista que Clamenç Pech faguèt d’Eric Fraj just abans lo concèrt.

Son inseparables. D’aquesta passa, lo cantador e compositor Eric Fraj multiplica las datas amb lo guitarrista e flamenquista Morgan Astruc, originari del parçan de Besièrs. Aqueste còp, Sénher Astruc acompanha l’Eric Fraj sus un projècte entitolat Resisténciapresentat lo 4 d’abril al memorial de Ribesaltes. Fraj explica la genèsi del projècte.