Mièja ora après mièjanuèch s’es esfondrada una bastissa d’abitacions de quatre estatges en Carrièra de Tivoli, quartièr del Camp Mars, a Marselha. Segon nòstras darrièras informacions, cinc personas son espitalizadas e 33 son presas en carga. Lo cònsol màger, Benoît Payan, avertís que “se cau preparar per aver de victimas” mortalas. L’escrancament “d'un immòble al 17 Carrièra de Tivoli a entraïnat dins sa casuda una partida dau 15 e dau 19”, çò a dich Payan als jornalistas sus plaça del temps que crenhiá qu’una d’aquelas bastissas se poguèsse tanben afondrar.
 
A l’ora d’ara, los mèdias rapòrtan que la tragèdia seriá deguda a causa d’una explosion producha devèrs 00h40 dins un sector residencial d’aquel quartièr conegut per sos bars, restaurants e vida nocturna.
 
Aquò se passa 4 ans e mièg de l’afondrament de doas bastissas dins lo quartièr de las Noalhas, ont un immòble sus dos poiriá èsser considerat coma indecent o degradat. Aquela tragèdia causèt divèrsas protèstas ciutadanas e quitament la redaccion de Jornalet ne responsabilizàvem la comuna de la Ciutat Foceienca dins un editorial.
 
La Provence prepausa un seguiment informatiu de la tragèdia.



 

🔴 Au moins un immeuble s’est effondré cette nuit à #Marseille au 17, rue Tivoli, emportant partiellement dans sa chute les numéros 15 et 19 de cette même rue du 5e arrondissement https://t.co/l7ak6z70Kppic.twitter.com/QDKiQHZTSn

— La Provence (@laprovence) April 9, 2023

 

🚨🇫🇷URGENT - Une explosion vient de se produire dans un immeuble rue de Tivoli à #Marseille. (📹@aurelien1335) pic.twitter.com/xJmFFnIzCH

— AlertesInfos (@AlertesInfos) April 8, 2023