capçalera campanha

Actualitats

InternacionalPolitica

Lo Bascoat a celebrada sa fèsta nacionala

De milièrs de personas an revendicada l’independéncia per las carrièras de Pampalona

| @manelmarquez

Tèxte legit

De milièrs de personas prenguèron las carrièras del Bascoat, coma cada dimenge de Pascas, per celebrar lor fèsta nacionala, dicha AberriEguna (lo jorn de la pàtria). La manifestacion mai nombrosa se tenguèt al centre de Pampalona, que respondiá a la crida del partit independentista d’esquèrra EH Bildu. Lo cortègi caminèt pel centre de la vila jos la devisa “Per la democracia e la sobeiranetat”. En mai dels manifestants venguts de las sèt províncias del Bascoat, i participèron de representants del Sinn Féin irlandés, de catalans d’ÈRC e de la CUP, de galècs del BNG, etc.
 
De son caire, lo Partit Nacionalista Basco (EAJ-PNV) a Bilbao organizèt un acamp ont se revendiquèt lo drech del Bascoat de decidir son avenir en tot refortir que la tòca de l’EAJ-PNV èra “la libertat d’Euskadi”.
 
Al Bascoat Nòrd, se tenguèt una manifestacion a Itsaso, en Labord, qu’amassèt de centenas de personas amb la tòca de refondar lo sobeiranisme basco al nòrd dels Pirenèus.
 
La velha, la plataforma Euskal Herria Batera (Bascoat ensems) faguèt una crida per reclamar l’unitat del sobeiranisme basco. Aquel collectiu dempuèi dos ans se bat per una celebracion unificada de l’Aberri Eguna.

 
 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Malo Ys
3.

#1
Lo Jorn de la pàtria per los occitans es lo 14 de julhet.

  • 5
  • 10
Lion
2.

- Lol qu'èra sustot la hèira deu cambajon a Baiona! Quin timpona!

- L'acòrd sistematic deu participi passat dab 'aver' qu'ei ua error segon jo. Que correspon que crei a ua volontat de s'estremar deu francés, mes que rend la lenga artificiau jo que tròbi, com ací. En gascon ne's hè pas que'n quauques cas precís, mei sovent en lengadocian, mes sonque tà balhar la fòrça de l'adjectiu au participi passat, sinon qu'ei pesuc.

  • 5
  • 5
.t.
1.

E per nosauts ?
Quan se celebrarà cada an , se festejarà pertot , un "jorn de la pàtria " ?

Mei , nos donaré un pauc de visibilitat ...

  • 7
  • 2

Escriu un comentari sus aqueste article