Actualitats
Marselha: de mens en mens d’espèr de trobar de subrevivents
Los socorristas perseguisson lors recèrcas dins los tarcums de la bastissa escrancada aquesta dimenjada al 17 Carrièra de Tivoli
Tèxte legit
A mai, an evacuat 179 personas de lors lotjaments après los escrancaments.
Podètz seguir las informacions en dirècte sus France 3 Provença e La Provence que ne fan un bon seguiment.
Crida a la solidaritat
L'Associacion dels Parents d'Escolans (APE) de l'escòla Franklin Roosevelt, de la Carrièra de Tivoli, lancèt dimenge una crida a la solidaritat per las personas evacuadas. Per ara an recebut de nombrosas ofèrtas de lotjament e de dons de vestits que se pòdon pas gerir a l’ora d’ara per manca d’un local. De discussions son en cors amb la comuna. Las personas que desiran d’aduire lor ajuda son convidadas a emplenar aqueste formulari en linha.
Polemica vesita de Darmanin
Mentretant, la vesita sus plaça del ministre de l’interior, Gérald Darmanin, causa de polemicas. Se critica l’enòrme degalhatge d’aver mobilizat un avion Falcon de l’estat que, de París estant, recuperèt lo ministre en Bretanha —ont passa sas vacanças— e lo menèt a Marselha per far una aparicion de 10 minutas a la television davant los tarcums de l’immòble afondrat. Puèi, l’avion tornèt menar Darmanin en Bretanha e l’avion anèt estacionar a París.
Segon La Provence, los conselhièrs de Darmanin desiravan dins un primièr temps qu'aquela visita a proximitat dels tarcums foguèsse seguida e filmada per una còla de jornalistas triats, çò que la municipalitat preferiguèt de refusar per evitar, probable, tota temptativa de recuperacion politica.
-00h40 un immeuble s'effondre à Marseille
— Duval Philippe (@p_duval) April 9, 2023
-07h36 un jet décolle de Paris pour Lorient
-09h28 Darmanin en week end en Bretagne, décolle dans le Jet direction Marseille
-10h34 Darmanin est à Marseille
-11h40 Darmanin est sur toutes les chaines infos
-12h42 le jet redécolle… pic.twitter.com/XFl78fbWkG
Selon nos informations, plus de 200 personnes ont été évacuées après les effondrements des immeubles à #Marseillehttps://t.co/lDyiYm77iO
— La Provence (@laprovence) April 10, 2023
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Es un mot aranés d'origina aragonesa, e mai ancianament aràbia, segon Coromines. Vòl dir "escombres, aclapadís". Fa partida dels qualques mots non lengadocians (autre exemple: chepic) qu'avèm integrat al modèl de lenga de Jornalet, amb l'idèa panoccitana que lo vocabulari occitan es comun a tota la lenga nòstra.
Bonjorn,
Quauqu’un agèssa la bontat de me dire çò que vòl dire « tarcum », li’n seriá plan reconeissent, cresètz-bò.
Lo catalan modèrn, quand a doas opcions gramaticalas parièras de corrèctas, escuelh totjorn la que se sembla mai a l'espanhòl. Pr'amor d'acò, lo catalan modèrn a pas sintaxi pròpria.
A fin d'evitar que passe acò meteis amb l'occitan, prepausi que quand i a doas opcions parièras de corrèctas, escuelhèm la que se diferéncia mai del francés e pas la que s'i sembla mai.
Doncas, en luòc d'"an evacuat 179 personas" prepausi que digam "an evacuades 179 personas".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari