Actualitats
ÈTA avertís que la rompedura de la negociacion d’Òslo aurà “de consequéncias negativas”
L’organizacion armada avertís que la fin de la negociacion “retarda e rend malaisida la resolucion” del conflicte
ÈTA avertís, dins un comunicat signat lo 17 de març passat, que lo refús del govèrn espanhòl de se sèire per negociar a Òslo poiriá aver “de consequéncias negativas” perque “desfà l’espaci de dialòg e de negociacion”. L’organizacion armada a fach public aquel comunicat dètz e uèch jorns après la rompedura de l’espaci de negociacion.
ÈTA avertís dins aquel comunicat que la fin de la negociacion “retarda e rend malaisida la resolucion” del conflicte; e denóncia l’actitud del govèrn espanhòl del PP tant coma la del govèrn precedent del PSÒE. La banda afirma tanplan que “contunharà de trabalhar per bastir una resolucion definitiva” e que mantendrà activa la siá representacion.
Dins aquel comunicat publicat en basco, ÈTA considèra la rompedura de la negociacion coma “un clar rèirepè” en la resolucion del conflicte. Dins aquel sens, mòstra son incomprension a prepaus del sosten del Partit Nacionalista Basco (EAJ/PNV) al govèrn espanhòl dins aquel terren.
Per quant a la question del desarmament, ÈTA soslinha que “demòra en defòra del mandat que faguèt la Comission Internacionala de Verificacion, a l’origina, e en consequéncia es pas estat ni es pas dins l’agenda de trabalh d’ÈTA e de la Comission”. Segon l’organizacion armada, lo tèma s’emplega intencionadament e amb marrida fe per “amagar la totala responsabilitat qu’an los estats dins lo blocatge del procès”.
Pasmens, met en evidéncia que manten sa disposicion a parlar del desarmament e de las autras consequéncias del conflicte; e mai assegura que “contunharà de trabalhar per bastir una resolucion definitiva e que mantendrà activa la representacion qu’a designada”. “Cedirem pas davant las dificultats perque lo Bascoat merita e a de besonh de la patz e de la libertat”, çò conclutz lo comunicat.
ÈTA avertís dins aquel comunicat que la fin de la negociacion “retarda e rend malaisida la resolucion” del conflicte; e denóncia l’actitud del govèrn espanhòl del PP tant coma la del govèrn precedent del PSÒE. La banda afirma tanplan que “contunharà de trabalhar per bastir una resolucion definitiva” e que mantendrà activa la siá representacion.
Dins aquel comunicat publicat en basco, ÈTA considèra la rompedura de la negociacion coma “un clar rèirepè” en la resolucion del conflicte. Dins aquel sens, mòstra son incomprension a prepaus del sosten del Partit Nacionalista Basco (EAJ/PNV) al govèrn espanhòl dins aquel terren.
Per quant a la question del desarmament, ÈTA soslinha que “demòra en defòra del mandat que faguèt la Comission Internacionala de Verificacion, a l’origina, e en consequéncia es pas estat ni es pas dins l’agenda de trabalh d’ÈTA e de la Comission”. Segon l’organizacion armada, lo tèma s’emplega intencionadament e amb marrida fe per “amagar la totala responsabilitat qu’an los estats dins lo blocatge del procès”.
Pasmens, met en evidéncia que manten sa disposicion a parlar del desarmament e de las autras consequéncias del conflicte; e mai assegura que “contunharà de trabalhar per bastir una resolucion definitiva e que mantendrà activa la representacion qu’a designada”. “Cedirem pas davant las dificultats perque lo Bascoat merita e a de besonh de la patz e de la libertat”, çò conclutz lo comunicat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"L'organizacion armada", expression emplegada per designar l'armada necessàriament clandesitna de resisténcia a l'occupacion franco-castelhana d'Euskadi… E los estats, franceses e castelhans, son pas d'oragnizacions redobtablament armadas e e mai subrarmadas, elas tanben ? Quina ipocrisia dinas aquels discorses oficials !
Se sètz del bon costat, lo dels colonizaires, sètz de patriòtes fisèls a LA nacion. Se sètz del marrit costat, lo dels colonizats, sètz pas qu'una "banda de terroristas"… Tanplan los ocupants nacionals-socialistas germanofòns e las milícias veichistas de Petain disián lo mieu papet "un terrorista". E tè, èra dins la resisténcia, dempuèi 1942…
Perqué non pas dire que França ni mai Espanha nion vòlon pas ausir parlar d'independéncias dels pòbles colonizats, estant que se que non, seràn pas ni una ni l'autra qu'un païsòt demèst los autres, de per Euròpa ? Lor interès a corta vista, es de nos veire calar, desaparéisser, e nos oblidar noaustres meteisses.
#6 Exactament: lo comportament d'ETA en Espanha que vau lo de l'armada americana en Iraq. Qu'ei ua simpla question d'escala !
#5 Er Estat espanhòu qu'emplegue normauments "banda terrorista". Ua definicion bric objectiva, quan se ditz "terrorista" a un petit grop armat, e non a ua grana armada capabla lançar ua bomba atomica sus Hiroshima, desolar Gaza o desgraciar era vida des iraquians.
#4 Qu'ei la denominacion de l'estat espanhòu.
#3 Pejoratiu "banda"???? A jo que me sòne plan positiu, quitament romantic, tant pes bandes de musica, coma pes bandits e bandolèrs...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari