Lo govèrn italian decretèt dimars l’estat d’urgéncia per afrontar la creissença del flux migratòri après lo salvament de mai de 2000 personas en Mediterranèa dins la dimenjada. La mesura serà en vigor pendent sièis meses e dotarà las estructuras estatalas de cinc milions d’èuros sortits dels fonzes d’emergéncias nacionalas amb la tòca d’afrontar l’aculhença de migrants e de refortir los espleches de repatriacion e de fòrabandiment, çò expliquèt lo govèrn.
 
La decision se prenguèt al sen del conselh dels ministres a la demanda del ministre de la proteccion civila e de las politicas marinas, Nello Musumeci, que raportèt un aument d’un 300% de l’arribada de migrants per la mar Mediterranèa.
 
“Permetètz-me d’èsser clar: lo problèma se pòt pas resòlver. La solucion es solament restacada a una intervencion conscienta e responsabla de l'Union Europèa”, çò diguèt Musumeci, que puèi assistiguèt a una autra reünion al Ministèri de l’Interior per tractar d’eventualas solucions.
 

🔵#Radioanchio@Nello_Musumeci ministro Protezione Civile e Politiche del mare #migranti: "Parliamo di un fenomeno mai conosciuto nel passato. Sicilia, Lampedusa, Calabria, Puglia non possono da sole affrontare questa emergenza. È necessario ricorrere a misure in deroga" pic.twitter.com/NQYW0VGPEt

— Rai Radio1 (@Radio1Rai) April 11, 2023