Lo president francés, Emmanuel Macron, a prepausat Marc Papinutti coma cap de la Comission Estatala del Debat Public (CNDP segon sa sigla en francés). Segon Reporterre, “aquela nominacion sembla fòrça un rebomb”, compte tengut del fach que lo cap de l’estat prepausa un pròche per dirigir l’institucion independenta que velha pel drech a l’informacion e la participacion del public dins l’elaboracion dels projèctes publics qu’ajan un impacte sus l’environament.
 
Papinutti es èx-director general de las infrastructuras, dels transpòrts e de las mobilitats al Ministèri de l'Ecologia, e renoncièt a sa nominacion coma director de l'Autoritat de Regulacion dels Transpòrts (ART) perque “riscava de virar a la mascarada”, çò rapòrta Marianne.
 
L’èx-presidenta de la CNDP, Chantal Jouano, a criticat mai d’un còp lo mesprètz democratic del govèrn pendent lo Grand Debat estatal en seguida de la crisi dels Gilets Jaunes e puèi pendent lo debat public sul relançament del nuclear. Ara, l’Elisi voldriá prene lo contraròtle de l’institucion.