Dimècres, foguèron enfin recuperats e identificats los uèch còrses de las uèch victimas mortalas de la bastissa afondrada durant la dimenjada passada al quartièr del Camp Mars, a Marselha. S’agís generalament de personas annadas, que se nomenavan Antonietta, Marion, Michael, Jacques, Anne-Marie, Nicole, Jacky e Anna.
 
Mentre que se perseguís l’enquista, lo ministèri public privilègia totjorn “l'ipotèsi d'una explosion deguda al gas que causèt l'escrancament de l'immòble”, çò rapòrta Libération. Mentre que s’esplecha los comptadors de gas trobats dins los tarcums,
los servicis de GRDF e lo batalhon dels Marins-Pompièrs de Marselha indican aver pas efectuat d'intervencion sus aquel sector dins los sièis meses anteriors a la tragèdia.
 
Lo filh d’una de las victimas a declarat depausar una denóncia per omicidi involontari. Mentretant, lo ministèri public precisa que las investigacions e las operacions d'expertesa “seràn necessàriament longas e complèxas”.