En febrièr de 2017, publicàvem sus Jornalet una entrevista de Géraud Delbès, cronicaire e animator de ràdio occitanofòn. Delbès, que seguissèm totjorn dins sas emissions de France Bleu e ocasionalament de Viure al País, es tanplan un afogat del club de fotbòl de Tolosa (TFC) e nòstres confraires de Ràdio Occitània l’an entrevistat aquesta setmana a prepaus de la finala de la Copa de França que farà s’afrontar l’esquipa tolosana e lo Fotbòl Club de Nantas lo 29 d’abril venent.

L’òme a un emL’òme a un emplec del temps de ministre entre sas foncions de formator al dintre de l’IEO 31, son trabalh de cronicaire e animator sus France Bleu Occitanie o encara la presentacion ocasionala de Viure al País… mas a totjorn de temps a consagrar a sa passion: lo TFC, club de fotbòl de la Vila Ròsa. Géraud Delbès, sòci del club de suportaires dels Indians de Tolosa, va totjorn far un torn a l’Estadium quand i jògan los Violets! Anava doncas pas escapar a una convèrsa sus la finala de la Copa de França qu’opausarà Nantes al TFC.