Alemanha ven d’amortar sos darrièrs tres reactors nuclears e lo país ven una republica sens energia atomica. La decision de barrar totas las centralas nuclearas se ratifiquèt en 2011, quand governava la cancelièra Angela Merkel, après lo desastre nuclear de Fukushima, en Japon.
 
La fin del nuclear èra prevista per l’an passat mas se remandèt a causa de la guèrra d’Ucraïna e de las restriccions qu’empedisson l’arribada del combustible rus.
 
La causida alemanda contrasta amb la politica energetica de l’estat francés ont i a mièg centenat de reactors en foncionament, fòrça d’eles en Occitània, e quitament se’n bastís de nòus.