Actualitats
Tot lo conselh municipal de la Bastida de Bosinhac a demissionat
Protèstan contra una decision de la prefectura que lor fa pèrdre los avantatges de la zòna industriala, e mai se foguèt pagada qu’amb l’argent de la municipalitat
La Bastida de Bosinhac (País d’Òlmes) a pas mai d’elegits. Segon çò que raportavaLa Dépêche dimècres passat, Roger Sénier, cònsol dempuèi 1947, e tot l’ensems del conselh municipal presentèron dimars lor demission al representant de l’estat.
Los onze elegits decidiguèron de demissionar coma un sol òme dins la session plenièra del conselh municipal de diluns 25 de març, en protèsta contra lo decret del prefècte d’Arièja de l’11 de decembre de 2012, qu’obliga aquela comuna d’integrar, a partir del 1r de genièr de 2013, la comunautat de comunas del País de Mirapeis.
Dins la deliberacion, Sénier e lo sieu conselh planhon de se veire forçats a aquela integracion. “Pensàvem, segon las convèrsas tengudas amb la sosprefectura la prima de 2011, qu’aquela integracion se fariá lo 1r de genièr de 2014”, çò ditz lo cònsol, que tanben planhiá la manca de responsa de la prefectura a totas las letras mandadas.
La decision del prefècte priva la municipalitat de las ressorsas de la zòna industriala, mai que mai de l’entrepresa ACTIS, qu’èra estada exonerada de cargas fins al 31 de decembre de 2012. “Seriá, la data d’adesion forçada, una simpla coïncidéncia?”, se demandan.
En considerant qu’aquela zòna industriala s’es facha sens cap d’ajuda e sonque amb l’argent dels contribuents de La Bastida de Bosinhac, se veson espoliats de lors intradas just quand arriba lo temps de ne traire los avantatges.
Los onze elegits decidiguèron de demissionar coma un sol òme dins la session plenièra del conselh municipal de diluns 25 de març, en protèsta contra lo decret del prefècte d’Arièja de l’11 de decembre de 2012, qu’obliga aquela comuna d’integrar, a partir del 1r de genièr de 2013, la comunautat de comunas del País de Mirapeis.
Dins la deliberacion, Sénier e lo sieu conselh planhon de se veire forçats a aquela integracion. “Pensàvem, segon las convèrsas tengudas amb la sosprefectura la prima de 2011, qu’aquela integracion se fariá lo 1r de genièr de 2014”, çò ditz lo cònsol, que tanben planhiá la manca de responsa de la prefectura a totas las letras mandadas.
La decision del prefècte priva la municipalitat de las ressorsas de la zòna industriala, mai que mai de l’entrepresa ACTIS, qu’èra estada exonerada de cargas fins al 31 de decembre de 2012. “Seriá, la data d’adesion forçada, una simpla coïncidéncia?”, se demandan.
En considerant qu’aquela zòna industriala s’es facha sens cap d’ajuda e sonque amb l’argent dels contribuents de La Bastida de Bosinhac, se veson espoliats de lors intradas just quand arriba lo temps de ne traire los avantatges.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
lei com-com, coma se ditz en abreujat, un brave colhonitge burocratica pèr cavar lo deficit, l'endeutament de la França -1miliard cent milion d'euros- que ven s'ajustar ai departaments, regions, ambe de milieràs de foncionari territoriau que fan de dorsiers bulletins, revistas, jornalets e lei normas europencas o nacionalas que venon tracassar aquelei que travalhan e pagan d'imposts,, lo milafuelha, suprimem lo despartament, lei com-com e lo sant-frusquin pèr realizar un projecte comunau-aduccion d'aiga, qu'en 1990 calià 2 ans ara n'en cau cinc o sieis ! e tot aquo serià simplificat ?
Brau a Sénher Sénier e son equipa municipala per aquela sana e coratjosa decision !
E òc, se sap que los prefectes son aquí per garantir la democracia. Es que lo pòble es tròp piòt. Urosament que los omenasses sortits de l'ENA son aquí per lor mostrar lo camin a seguir. Son los eròis de la Republica. Es per quò que se pòrta tan plan... la Republica! Sai pas ieu... I a un molon de países qu'an pas de prefectes, pas d'ENA, e se pòrtan melhor que la nomenada patria-dels-drets-de-l'Òme.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari