Actualitats
De scientifics auvernhats an fach una descobèrta prometedora contra lo càncer de la popa
Una còla de cercaires auvernhats del Centre de Lucha contra lo Càncer Jean Perrin an fach una descobèrta prometedora contra lo càncer de la popa, en particular sus lo tractament per un tipe de càncer fòrça agressiu nomenat “triple negatiu”. Segon çò que raportava lo jornal auvernhat La Montagne, los resultats seràn liurats dins qualques jorns a la comunautat scientifica del Mond dins l’encastre del congrès de l’Associacion Estatsunidenca per la Recèrca sus lo Càncer.
S’agís d’una patologia que tòca aperaquí 15% de las femnas arribadas a un càncer de la popa, que normalament respondon pas als tractaments ormonals abituals ni a las nòvas terapias.
La recèrca, s’agís d’un vast estudi començat fa tres ans a Clarmont-Ferrand amb la collaboracion de 60 pacientas dels espitals de tot l’estat francés. “Dins los càncers de la popa que se suènhan plan, e que son mai d’80 % de las patologias, las cellulas presentan de receptors ormonals sensibles als tractaments classics que son la quimioterapia e l’ormonoterapia, mas dins lo cas d’aquel triple negatiu que tanh las femnas puslèu joves, solament la quimioterapia se pòt emplegar del temps que los tractaments ciblats son ineficaces”, çò diguèt lo Professor Jean-Marc Nabholtz, director del departament de medecina del Centre Jean Perrin. Los de la còla an observada una desaparicion de la tumor e an descobèrt qu’en las pacientas que presentavan una associacion de dos marcadors especifics, la tumor desapareissiá entièrament en 86% dels cases.
Nabholtz, amb Frédérique Penault-Llorca, directritz scientifica del Centre Jean Perrin e responsabla del servici de biopatologia, an dirigit las recèrcas sus aqueles càncers agressius en tot descobrir quals poirián èsser sensibles a d’autres tractaments. S’agís, doncas, d’una descobèrta importanta en la compreneson dels mecanismes d’aquel tipe de càncer triple negatiu.
“Amb aquel tractament ciblat e individualizat, esperam de modificar l’istòria naturala d’aquela malautiá”, çò soslinhèt la Professora Penault-Llorca, que contunharà la recèrca amb tota la còla, per un assag clinic de fasa 3, la darrièra estapa per confirmar aqueles resultats optimistas.
S’agís d’una patologia que tòca aperaquí 15% de las femnas arribadas a un càncer de la popa, que normalament respondon pas als tractaments ormonals abituals ni a las nòvas terapias.
La recèrca, s’agís d’un vast estudi començat fa tres ans a Clarmont-Ferrand amb la collaboracion de 60 pacientas dels espitals de tot l’estat francés. “Dins los càncers de la popa que se suènhan plan, e que son mai d’80 % de las patologias, las cellulas presentan de receptors ormonals sensibles als tractaments classics que son la quimioterapia e l’ormonoterapia, mas dins lo cas d’aquel triple negatiu que tanh las femnas puslèu joves, solament la quimioterapia se pòt emplegar del temps que los tractaments ciblats son ineficaces”, çò diguèt lo Professor Jean-Marc Nabholtz, director del departament de medecina del Centre Jean Perrin. Los de la còla an observada una desaparicion de la tumor e an descobèrt qu’en las pacientas que presentavan una associacion de dos marcadors especifics, la tumor desapareissiá entièrament en 86% dels cases.
Nabholtz, amb Frédérique Penault-Llorca, directritz scientifica del Centre Jean Perrin e responsabla del servici de biopatologia, an dirigit las recèrcas sus aqueles càncers agressius en tot descobrir quals poirián èsser sensibles a d’autres tractaments. S’agís, doncas, d’una descobèrta importanta en la compreneson dels mecanismes d’aquel tipe de càncer triple negatiu.
“Amb aquel tractament ciblat e individualizat, esperam de modificar l’istòria naturala d’aquela malautiá”, çò soslinhèt la Professora Penault-Llorca, que contunharà la recèrca amb tota la còla, per un assag clinic de fasa 3, la darrièra estapa per confirmar aqueles resultats optimistas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Felicitacions als cercaires auvernhats que, tant coma o pòdon, e tant coma o pòdon los mètges famoses de l'Avana, lucha contra lo càncer, mas…
Mas, quid de totas aquelas salopariás quemicas (mai d'un milierat) que circulan, dins l'aiga, l'aire e la mangisca, e que portam a las tripas, industrialament concebudas e espandidas, e fòrtament suspectadas d'èsser mai o mens poderosament cancerigènas ? Abans de s'atacar scientificament a las consequéncias del problèma de santat publica, seriá la mendra de las causas "socialistas" e "ecologistas" d'interdire sens cap mai discutidas totas aquestas salopariás per PRINCIPI SANITARI DE PRECAUCION…
Sèm a de milierats d'annadas-lutz d'una posicion elementàriament esquerrista coma aquesta. Aital, poirissèm del càncer, l'Alzeimer, de Parkison, d'escleròsi en placas sens compréner çò que nos arriba, puèi nos venon quérrer per far virar la maquina economica medicala. Aital, raportam tres còps,; benlèu quatre :
1) Raportam a las industrias en bevent e manjant ( o mai tolerant e respirant) saloparás industrialas.
2) Raportam a l'industria farmaceutica (sovent conceptritz de las salopariás quemicas subreditas) e medicalas en malautejant grèvament.
3) Raportam a las caissas de retiradas en crebant mai lèu que previst d'aquelas salopariás que nos fan malautejar.
4) Raportam a las Asseguranças-Vidas, estant que sèm paucas causas e que cal èsser prevesents…
#1 Mon car Pirolet, a çò que ne ditz ma bèla amiga, Na Diotima, ne va de la perfeccion arquetipica d'una popa de femna coma de la contempacion de l'Un-Ben metafisic…
Quand de cercaires auvernhats son sus una bona dralha, òm pòt pas que desirar que se tornen pas ipocondriacs e bondiusaires coma lo Pascalet! Las popas - vòli dire la santat de las femnas- , aquò's mai important que los jòcs d'asard sus un diu ipotetic!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari