Actualitats
Ban Gimun a dich en Andòrra que respècta lo procès d’independéncia de Catalonha
Lo secretari general de las Nacions Unidas, Ban Gimun (Ban Ki-Moon), faguèt una vesita istorica a Andòrra per commemorar los vint ans de l’intrada d’aquel principat a l’ÒNU, ont quitament parlèt en catalan
L’ÒNU respècta los procèsses d’autodeterminacion. Aquò es la posicion defenduda pel secretari general de las Nacions Unidas, Ban Gimun (Ban Ki-Moon), en una conferéncia de premsa que faguèt ièr a Andòrra la Vièlha amb lo cap de govèrn andorran, Antoni Martí.
Ban Gimun faguèt una vesita istorica a Andòrra per commemorar los vint ans de l’intrada d’aquel principat a l’ÒNU, e doncas vint ans que se parla catalan a las Nacions Unidas, ja que lo catalan es la sola lenga oficiala de l’estat andorran. A las questions sul procès d’autodeterminacion de Catalonha, respondèt: “Totes los problèmas entre païses los cal resòlver amb de mejans pacifics e amb de dialòg, en respectant las aspiracions autenticas dels pòbles”.
“Fau una crida als caps de tot lo Mond a exercir lor preeminéncia politica e lors capacitats per resòlver totes los conflictes, a travèrs del dialòg e dels mejans pacifics”, çò soslinhèt encara, a prepaus dels procèsses d’autodeterminacion. Pendent la conferéncia de premsa amb lo cap del Govèrn d’Andòrra, Antoni Martí, Ban Gimun diguèt qualques mots en catalan.
En mai de se reünir amb Martí, Ban Gimun rescontrèt tanben lo ministre dels Afars Estrangièrs, Gilbert Saboya, e l’ambaissador d’Andòrra a l’ÒNU, Narcís Casals. Vesitèt las sedenças del govèrn andorran, e acabèt sa vesita dins l’auditòri d’Ordino ont se debanèt una recepcion amb de representats politics e sòcioeconomics, de parlaments e un petit concèrt de la Jove Orquèstra Nacionala de Cambra.
Lo cap del govèrn andorran, Antoni Martí, s’engatgèt a regular lo drech a la cauma, un drech encara inexistent per la constitucion del país catalan del Pirenèu.
Ban Gimun faguèt una vesita istorica a Andòrra per commemorar los vint ans de l’intrada d’aquel principat a l’ÒNU, e doncas vint ans que se parla catalan a las Nacions Unidas, ja que lo catalan es la sola lenga oficiala de l’estat andorran. A las questions sul procès d’autodeterminacion de Catalonha, respondèt: “Totes los problèmas entre païses los cal resòlver amb de mejans pacifics e amb de dialòg, en respectant las aspiracions autenticas dels pòbles”.
“Fau una crida als caps de tot lo Mond a exercir lor preeminéncia politica e lors capacitats per resòlver totes los conflictes, a travèrs del dialòg e dels mejans pacifics”, çò soslinhèt encara, a prepaus dels procèsses d’autodeterminacion. Pendent la conferéncia de premsa amb lo cap del Govèrn d’Andòrra, Antoni Martí, Ban Gimun diguèt qualques mots en catalan.
En mai de se reünir amb Martí, Ban Gimun rescontrèt tanben lo ministre dels Afars Estrangièrs, Gilbert Saboya, e l’ambaissador d’Andòrra a l’ÒNU, Narcís Casals. Vesitèt las sedenças del govèrn andorran, e acabèt sa vesita dins l’auditòri d’Ordino ont se debanèt una recepcion amb de representats politics e sòcioeconomics, de parlaments e un petit concèrt de la Jove Orquèstra Nacionala de Cambra.
Lo cap del govèrn andorran, Antoni Martí, s’engatgèt a regular lo drech a la cauma, un drech encara inexistent per la constitucion del país catalan del Pirenèu.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ban Guimon a dit en Andòrra que respècta lo procès d'independéncia de Catalonha. Mancariá pas que l'Organizacion de las NACIONS (e non pas dels estats nacional-expacionistas) Unidas respectèsse pas la volontat d'independéncia d'una nacion, catalana o pas, quina que siá ! Per contra, tant qu'i èra, lo Ban Guimon, auriá pogut dire tot lo mesprètz internacional que s'ameritan los estats cripto-faiscistas francés e espanhòl per lor alienacionisme sistematic de tota nacion non-espanhòla o non-francesa suls sieus airals de jòcs poltics respectius…
Benlèu quora Ban Gimun vendrà a Mónego parlarà qualques mòtes en occitan ?
De qué ditz lo co-príncep Francés d'aquela declaracion en catalan? S'i botarà o s'i botarà pas a la lenga del país quand viatjarà a Andòrra? Mèfi, torejador, l'uèlh nègre d'en Valls t'espia!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari