Actualitats
Guérini espitalizat pendent que los gendarmas l’entendián
Lo president del departament de las Bocas de Ròse foguèt menat a l’espital pr’amor d’un malaise que se debanèt mentre qu’èra enquestat per corrupcion
Lo president del conselh general del departament de las Bocas de Ròse, Jean-Noël Guérini, foguèt victima d’una indisposicion dimars passat, just quand èra entendut pels gendarmas per un afar de presumida fraudariá als mercats publics. Segon l’AFP, e mai lo calguèt espitalizar.
Lo senator socialista, dins sos 62 ans, foguèt menat al servici de cardiologia de l’Espital de la Timona, dirigit pel Pr. Frédéric Collart. L’Assisténcia Publica-Espitals de Marselha volguèt pas respondre a las questions dels jornalistas de l’AFP, a prepaus de la santat de Guérini.
Jean-Noël Guérini e son fraire, Alexandre Guérini, èran dempuèi lo començament de la matinada jol regim de la gàrdia a vista, dins los locals de la seccion de recèrcas de la gendarmariá de Marselha, suspèctes d’aver recebut de comissions en mercats publics e per d’autorizacions de dobertura d’ostals de retirada.
L’avocat de l’òme politic s’es limitat a comentar que la gàrdia a vista del sieu client èra pas acabada.
Jean-Noël Guérini aviá ja aguts de problèmas cardiacs al començament dels ans 2000. En genièr deviá èsser entendut pels gendarmas, mas son audicion foguèt reportada pr’amor d’una peritoniti que l’aviá ja menat a l’espital.
Lo senator socialista, dins sos 62 ans, foguèt menat al servici de cardiologia de l’Espital de la Timona, dirigit pel Pr. Frédéric Collart. L’Assisténcia Publica-Espitals de Marselha volguèt pas respondre a las questions dels jornalistas de l’AFP, a prepaus de la santat de Guérini.
Jean-Noël Guérini e son fraire, Alexandre Guérini, èran dempuèi lo començament de la matinada jol regim de la gàrdia a vista, dins los locals de la seccion de recèrcas de la gendarmariá de Marselha, suspèctes d’aver recebut de comissions en mercats publics e per d’autorizacions de dobertura d’ostals de retirada.
L’avocat de l’òme politic s’es limitat a comentar que la gàrdia a vista del sieu client èra pas acabada.
Jean-Noël Guérini aviá ja aguts de problèmas cardiacs al començament dels ans 2000. En genièr deviá èsser entendut pels gendarmas, mas son audicion foguèt reportada pr’amor d’una peritoniti que l’aviá ja menat a l’espital.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aqueles malautes que nos governan! Marcamal se passèja!
D'aquel temps, un autre socialista signava sa mòrt politica ièr (ancian ministre qu'èra encaragat de lutar contra la frauda fiscala ... çò semblava).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari