La convocacion de Nicolas Sarkozy sul "trabalh vertadièr" marca la Fèsta del Trabalh. Los sindicats franceses manifestaràn per tot lo país nòstre. Libertat! a convocat a Pau una jornada del 1r de mai en clau occitana.
La jornada del 1r de mai se presenta ongan dins l'Estat francés amb un fòrt malèsser dins las centralas sindicalas per la concentracion sul "trabalh vertadièr" convocada per Nicolas Sarkozy, qu'a volgut balhar un caire electoral a la Fèsta del trabalh.
Los sindicats de clau francesa an convocat de manifestacions per las principalas vilas d'Occitània. La CGT crida a "un 1r de mai per las revendicacions, lo progrès social e la solidaritat internacionala" e Fòrça Obrièra marcharà "contra l'austeritat". Lo sindicat socialdemocrata majoritari, la CFDT, marcha per "redonar confisança, reconciliar los salariats amb l'avenir, bastir una Euròpa mai solidària", que demandan tanplan "un dialòg social respectuós dels divèrses compausants de la nòstra societat". La confederacion CFTC ditz als afiliats de far çò que vòlgan pr'amor que lo calendièr electoral a "completament desvirat lo sens original de la Fèsta del trabalh". A París (França) los principals sindicats d'esquèrra (CGT, FSU, UNSA, CFDT e Solidaires) marcharàn amassa en respondent a la "provocacion" de Sarkozy.
En clau occitana es Libertat! qu'a convocat una jornada a Pau amb un repais popular après la manifestacion, la projeccion d'un documental sus Marinaleda, la vila autonòma d'Andalosia, e de debats.
Avèm pas d'informacions per çò qu'es dels actes en Aran, Mónegue o las Valadas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari