Actualitats
Lo nòu govèrn groenlandés a anonciat de restriccions per l’esplecha del petròli dins la mar
Lo cambiament de politica afècta tanben l’eventuala arribada de trabalhadors estrangièrs a las minas del país. Aleqa Hammond es venguda la primièra femna cap de govèrn de l’illa artica
Aleqa Hammond es venguda, uèi divendres 5 d’abril, la primièra femna a la foncion de primièra ministra de Groenlàndia, après que las eleccions del mes passat donèsson al sieu partit, lo Siumut, la majoritat relativa dins lo parlament d’aquela illa artica. Lo Siumut, partisan de revisar la politica d’extraccion de las ressorsas naturalas de Groenlàndia, poirà governar après aver aconseguit un acòrdi de coalicion amb dos partits mai pichons: los conservators d’Atassut e los socialistas del Partit Inuit.
L’executiu d’Hammond, segon lo jornal especializat en afars artics Nunatsiaq, a decidit qu’autrejarà pas mai de licéncias per cercar de petròli près de las còstas groenlandesas. Lo nòu govèrn groenlandés considèra que lo desvolopament economic e la gestion de las ressorsas naturalas de l’illa devon marchar a la meteissa velocitat que los cambiaments que la quita societat groenlandesa serà capabla d’assumir. Aital se pòt comprene que lo nòu executiu pensa que lo govèrn precedent, dirigit per Kuupik Kleist, anava tròp lèu dins aquel sens.
L’article de Nunatsiaq apond un segond element: lo govèrn Hammond a decidit tanben de revisar una lei, a l’ora d’ara en vigor, que permetriá l’arribada de milièrs de trabalhadors estrangièrs per l’esplecha de las minas groenlandesas. Aquò èra una de las promessas que lo Siumut aviá fach pendent la campanha electorala. Lo Siumut temiá que l’intrada de milièrs de trabalhadors forestièrs —mai que mai de chineses, de companhiás provenentas del gigant asiatic— aguèsse un impacte insuportable per l’estil de vida dels inuits, majoritaris en Groenlàndia.
L’urani, la contrapartida
Ça que la, totas aquelas limitacions arribaràn pas solas, perque lo nòu govèrn es ben dispausat per permetre l’esplecha d’un jaç mineral fòrça important que i a al sud de l’illa, lo de Kvanefjeld. En aquel jaç, que cal encara començar d’esplechar, i a de zinc e de tèrras raras, d’elements importants per la fabricacion de tecnologias coma los lasèrs o las memòrias d’ordenadors.
Lo problèma es qu’aqueles materials son mesclats amb d’urani, e la companhiá que vòl esplechar lo jaç, Greenland Minerals and Energy (GME), a dich qu’es impossible de los obténer sens extraire tanben l’urani. Lo govèrn de Kleist non voliá pas extraire brica d’urani de sòl groenlandés, mas l’executiu d’Hammond ditz qu’aquò pòt pas venir la nòrma absoluda.
Pr’amor que l’extraccion d’urani a d’implicacions dins la seguretat e los afars exteriors, Groenlàndia deu demandar un permés a Danemarc per poder levar lo vèto, çò que se podiá legir en genièr passat sul sit web EurActiv. L’article apondiá que lo Parlament danés èra dispausat a permetre l’extraccion d’urani se se demostrava qu’aquela extraccion prejudicava pas l’environament.
Aqueste article ven del jornal catalan Nationalia.cat, amb qui Jornalet a un acòrdi de cooperacion.
L’executiu d’Hammond, segon lo jornal especializat en afars artics Nunatsiaq, a decidit qu’autrejarà pas mai de licéncias per cercar de petròli près de las còstas groenlandesas. Lo nòu govèrn groenlandés considèra que lo desvolopament economic e la gestion de las ressorsas naturalas de l’illa devon marchar a la meteissa velocitat que los cambiaments que la quita societat groenlandesa serà capabla d’assumir. Aital se pòt comprene que lo nòu executiu pensa que lo govèrn precedent, dirigit per Kuupik Kleist, anava tròp lèu dins aquel sens.
L’article de Nunatsiaq apond un segond element: lo govèrn Hammond a decidit tanben de revisar una lei, a l’ora d’ara en vigor, que permetriá l’arribada de milièrs de trabalhadors estrangièrs per l’esplecha de las minas groenlandesas. Aquò èra una de las promessas que lo Siumut aviá fach pendent la campanha electorala. Lo Siumut temiá que l’intrada de milièrs de trabalhadors forestièrs —mai que mai de chineses, de companhiás provenentas del gigant asiatic— aguèsse un impacte insuportable per l’estil de vida dels inuits, majoritaris en Groenlàndia.
L’urani, la contrapartida
Ça que la, totas aquelas limitacions arribaràn pas solas, perque lo nòu govèrn es ben dispausat per permetre l’esplecha d’un jaç mineral fòrça important que i a al sud de l’illa, lo de Kvanefjeld. En aquel jaç, que cal encara començar d’esplechar, i a de zinc e de tèrras raras, d’elements importants per la fabricacion de tecnologias coma los lasèrs o las memòrias d’ordenadors.
Lo problèma es qu’aqueles materials son mesclats amb d’urani, e la companhiá que vòl esplechar lo jaç, Greenland Minerals and Energy (GME), a dich qu’es impossible de los obténer sens extraire tanben l’urani. Lo govèrn de Kleist non voliá pas extraire brica d’urani de sòl groenlandés, mas l’executiu d’Hammond ditz qu’aquò pòt pas venir la nòrma absoluda.
Pr’amor que l’extraccion d’urani a d’implicacions dins la seguretat e los afars exteriors, Groenlàndia deu demandar un permés a Danemarc per poder levar lo vèto, çò que se podiá legir en genièr passat sul sit web EurActiv. L’article apondiá que lo Parlament danés èra dispausat a permetre l’extraccion d’urani se se demostrava qu’aquela extraccion prejudicava pas l’environament.
Aqueste article ven del jornal catalan Nationalia.cat, amb qui Jornalet a un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
" après que las eleccions del mes passat donèsson* al sieu partit"... > après que las eleccions del mes passat donèron al sieu partit... Lo subjontiu dab "après que" qu'ei un francisme (e quan seré en francés dauvuns que'u considèran com pòc corrècte)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari