Nicolas Sarkozy demanda de "respècte" e que s'insulte pas los electors del Front Nacional; convòca una "fèsta del trabalh vertadièr" lo 1r de mai, en politizant lo jorn internacional dels trabalhadors e de las trabalhadoras e en fasent tornarmai los sindicats d'esquèrra las butas de la siá campanha.
Sarkozy a convocat pel 1r de mai una "granda concentracion" a la plaça del Trocadéro de París (França) per celebrar "la fèsta del trabalh vertadièr, dels que trabalhan vertadièrament dur, dels que s'expausan e patisson e vòlon pas que sens trabalhar se pòsca ganhar mai qu'en trabalhant".
Lo president-candidat a capitat de crear una "onda" de malèsser dins las centralas sindicalas, que uèi abòrdan las tradicionalas manifestacions de la Fèsta del trabalh mai divididas que jamai. Amb la siá granda concentracion sul "trabalh vertadièr", lo president-candidat a obligat las diferentas centralas sindicalas de prene encara un pauc mai posicion per çò qu'es del segond torn de la presidenciala en politizant la jornada dels trabalhadors e de las trabalhadoras.
Sens estonament, los sindicats mai a esquèrra (CGT, FSU e Solidaires) an reagit en cridant a la "provocacion" e en apelant los ciutadans a batre Nicolas Sarkozy lo 6 de mai. Es a dire que demandan, alavetz, de votar per François Hollande. Benlèu es aquela la reaccion qu'esperava Sarkozy, qu'a fach los sindicats d'esquèrra las butas de la siá campanha electorala.
Lo president-candidat a insistit en escometre Hollande a tres debats tèsta a tèsta a la television abans lo 6 de mai, mas lo socialista n'accèpta qu'un. "Se Sénher Hollande s'escapa, serà la siá responsabilitat", a avertit Sarkozy. Lo director de campanha socialista, Pierre Moscovici, a assegurat qu’"Hollande a pas paur del debat amb Sarkozy" e "espèra aquel tèsta a tèsta amb serenitat". Moscovici a refusat "l'excès" e lo "caprici" de celebrar tres debats "perque Sarkozy es lo primièr president sortent qu'a pas ganhat lo primièr torn".
Sarkozy ensaja de sedusir los electors de l'ultradrechana Marine Le Pen e s'es ja engatjat a "los escotar" uèi e lor donar "una responsa". "Nos cal respectar los electors del Front Nacional, an pres una decision, an exprimit una causida, es un vòte de patiment, de crisi, perqué los insultar?" a dich l'encara president francés e candidat de l'UMP a la reeleccion. Almens la mitat dels votants d'ultradrecha sostendràn Sarkozy al segond torn, segon los darrièrs sondatges. Le Pen a avertit qu'"aquel grand succès electoral demòstra que l'amor per la pàtria es pas cap d'eslogan de campanha".
Un òme qu'a pas jamai trabalhat de sa vida e que congrèga de monde que fan trabalhar los autres abans de los fotre defòra. Atanben, 5 ans estagiari a l'Elisèu e a pas encara comprès çò qu'es ésser president. Lo fals president defòra per daissar la plaça a un autre que, sabèm pas s'es pro aluserpit, mas serà segur mai vertadièr qu'aqueste!
"Lo trabalh vertadièr" consistís a ficar lèu fait aqueu rei de carnavau a brandar .
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari