Actualitats
Uèi s’assaja a Marselha, per lo primièr còp en d’umans, lo vaccin contra lo sida
48 volontaris seropositius recebràn las primièras injeccions del vaccin mes al ponch pel Laboratòri de Biologia Estructurala de la Timona, a la Ciutat Focèa
Segon d’informacions de La Provence, 48 volontaris seropositius recebràn las primièras injeccions d’un vaccin curatiu contra lo sida, mes al ponch pel Laboratòri de Biologia Estructurala de la Timona. La primièra injeccion se fa uèi.
Aquel vaccin curatiu, ja assajat amb succès dins d’animals, serà injectat tres còps als volontaris. Lo protocòl de l’assag durarà tota una annada e deu determinar la dòsi de vaccin mai eficaça dins l’uman.
Lo vaccin agís sus la proteïna TAT, que se li atribuís una responsabilitat en la persisténcia de las cellulas infectadas pel VIU (virus de l’immunodeficiéncia umana). L’objectiu es que lo sistèma immunitari genère d’anticòrses que neutralizen aquela proteïna TAT.
“Los grands laboratòris son pas gaire interessats a desvolopar un vaccin contra lo sida, perque la triterapia es mai rendabla”, çò planhiá a La Provence lo Doctor Erwann Loret, lo descobreire de la dicha “molecula antisida”. Loret fa dètz ans qu’esperava aquel moment de poder ensajar lo vaccin, mas i arribava pas per manca de finançament.
L’experiment s’esperlongarà pendent dos ans abans que se’n publique los resultats, previsiblament en junh de 2015.
Aquel vaccin curatiu, ja assajat amb succès dins d’animals, serà injectat tres còps als volontaris. Lo protocòl de l’assag durarà tota una annada e deu determinar la dòsi de vaccin mai eficaça dins l’uman.
Lo vaccin agís sus la proteïna TAT, que se li atribuís una responsabilitat en la persisténcia de las cellulas infectadas pel VIU (virus de l’immunodeficiéncia umana). L’objectiu es que lo sistèma immunitari genère d’anticòrses que neutralizen aquela proteïna TAT.
“Los grands laboratòris son pas gaire interessats a desvolopar un vaccin contra lo sida, perque la triterapia es mai rendabla”, çò planhiá a La Provence lo Doctor Erwann Loret, lo descobreire de la dicha “molecula antisida”. Loret fa dètz ans qu’esperava aquel moment de poder ensajar lo vaccin, mas i arribava pas per manca de finançament.
L’experiment s’esperlongarà pendent dos ans abans que se’n publique los resultats, previsiblament en junh de 2015.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari