Dissabte ser, au cap de tres dias de guarda a vista, qu’estón imputadas tres personas hens l’ahar de l’assasinat d’Alexandre Juncar a Pau en junh de 2011. Los motius d’imputacion que son “assasinat acompanhat de tortura e actes de barbaria” e “rapte e sequestracion”, dab las circonstanças agravantas de que la victima èra un menor en devath de 15 ans e que los fèits estón cometuts en banda organizada. Las tres personas aqueras que’s noman Fatima Ennajah, Mike Bonnet e Claude Ducos, e qu’an respectivament 46, 25 e 73 ans. Tots tres que son estats plaçats en detencion hens tres presons de Gasconha diferentas.
Ua quatau persona deu nom de Mickaël Baehrel qu’estó presentada dimenge matin a un jutge d’instruccion au Palai de Justícia de Pau e que’n sortí imputada au començament deu vrèspe. Segon ua hont pròcha de l’enquista, qu’auré aqueth òmi de 27 ans con·hessat aver tuat a Alexandre Juncar a còps de martèth, au cap de plusors dias de sequestracion. Que’s trobava dejà incarcerat a Perigüers quan la polícia interpellè las autas tres personas.
Alexandre Juncar (Junca en grafia oficiau francesa), un adolescent de 14 ans, que desparescó dens la nueit deu 4 au 5 de junh 2011, tot com se’n tornava en bicicleta d’ua hèsta de quartièr tà çò de son pair, au centre de Pau. Mantun mes après, los enquestaires que trobèn lo son còrps, desmembrat, au Gave de Pau, l’arriu qui travèrsa la vila. Aqueth ahar que causè hèra d’emocion e de temor hens la poblacion, qui organizè ua marcha silenciosa en protestacion e en solidaritat dab los pair e mair de l’adolescent.
Segon qu’a explicat ua hont, un signet suu registre de las condolenças qu’a aperat l’atencion deus enquistaires e orientat las investigacions tau demiei deus shensdemora e marginaus, au quau e pertanhen tres de las quate personas fresc incarceradas.
L’imputacion per “assasinat acompanhat de tortura e actes de barbaria” qu’ei la mei grèu qui existeish hens lo dret penau francés.
Eric Gonzales
Ua quatau persona deu nom de Mickaël Baehrel qu’estó presentada dimenge matin a un jutge d’instruccion au Palai de Justícia de Pau e que’n sortí imputada au començament deu vrèspe. Segon ua hont pròcha de l’enquista, qu’auré aqueth òmi de 27 ans con·hessat aver tuat a Alexandre Juncar a còps de martèth, au cap de plusors dias de sequestracion. Que’s trobava dejà incarcerat a Perigüers quan la polícia interpellè las autas tres personas.
Alexandre Juncar (Junca en grafia oficiau francesa), un adolescent de 14 ans, que desparescó dens la nueit deu 4 au 5 de junh 2011, tot com se’n tornava en bicicleta d’ua hèsta de quartièr tà çò de son pair, au centre de Pau. Mantun mes après, los enquestaires que trobèn lo son còrps, desmembrat, au Gave de Pau, l’arriu qui travèrsa la vila. Aqueth ahar que causè hèra d’emocion e de temor hens la poblacion, qui organizè ua marcha silenciosa en protestacion e en solidaritat dab los pair e mair de l’adolescent.
Segon qu’a explicat ua hont, un signet suu registre de las condolenças qu’a aperat l’atencion deus enquistaires e orientat las investigacions tau demiei deus shensdemora e marginaus, au quau e pertanhen tres de las quate personas fresc incarceradas.
L’imputacion per “assasinat acompanhat de tortura e actes de barbaria” qu’ei la mei grèu qui existeish hens lo dret penau francés.
Eric Gonzales
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
19 h 23: duas personas emplegadas en un autopic (enterpresa on desmontan las autos non reparablas) que son estadas arrestadas peus enquistaires. Que vòlen saber quina auto avè au moment deu crimi Claude Ducos, un deus quate imputats.
Segon qu'a declarat lo procuraire, ua cinquau persona que seré estada implicada hens aqueth ahar, mes que defuntè lo 18 d'agost 2012. Pròcha de Mickaël Baehrel, qu'auré pertanhut tanben au demiei deus marginaus.
E ara de qué ne farèm d'aqueles bèstias? Se van a un espital psiquiatric, tornarèm trapar una infirmièra escotelada dins l'encontrada coma qualques annadas a?
#1
Rai que los copables sián de "rebalaires" o quicòm mai. De cap de biais se pòt morir per una istorieta merdicosa: per una butassada, per un laid espiar, ... tot aquò per tuar a còps de martèls e desmembrar lo còs d'aquel pauròt: quina cachavièlha ...
de crimes comes per de marginaus o de SDF, me sembla que n'i a força ee tot aquo vai a l'encontre de la ben-pensança que ne fai de victimas de la societat e qu'a tendència a lei subrevalorar sistematicament dins lei ficcions a la TV ne fan totjorn de brocas simpaticas e inocentas opausats ai borgés estrechons e mesquins sovent d'extrema drecha.benlèu que la realitat es un pauc mai complèxa, en tot cas regreti lei trimards d'ancian tèmps e lei "clochards" de la bèla epoca parisencal
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari