Eth parc de visualizacion de fauna, Aran Park, plaçat en pòrt deth Portilhon de Bossòst ei ja ua realitat. A compdar deth 13 d’abriu que ven, agueth espaci naturau serà disponible entàs vesitaires.
 
Eth parc preten èster ua naua aufèrta toristica entà tota era Val d’Aran. I an participat es diuèrsi govèrns deth Conselh Generau d’Aran e der Ajuntament de Bossòst pendent dètz ans.
 
Dirigit per Sèrge Mounard, eth parc que serà inaugurat eth 12 d’abriu que ven entà toti es vesitaires que poderàn vier ua bona preséncia d’especies animaus autoctòns. Cau soslinhar es ossi e es lops coma reclam d’Aran Park que viueràn en semilibertat, mès tanben i aurà un espaci fòrça vast entà poder gaudir dera flòra dera Val d’Aran.
 
Aran Park ei estat possible gràcies ara cooperacion entre es diuèrsi govèrns des administracions publiques, e ara collaboracion des vesins de Bossòst qu’an cedit tèrres sues.
 
Era prevision de vesitaires entath prumèr an ei de 20 000 persones e es dus següents de 50 000 persones. Es installacions d’Aran Park an setze ectars e inclodiràn un centre d’interpretacion, ua botiga, ua aula d’aprendissatge, un restaurant e ua zòna de picnic.



Conselh Generau d’Aran