Felicitacion per aquesta iniciativa que deu regaudir los escolans. E urós encastre que la pluèja non aja pas asaigat l'asempre fins a-n-aquesta tombèl de la nòstra memòria ! Mas fins a de novèlas mai amplas, Coseran s'aplanta encara dins lo departament d'Arièja, non ? Lo territòri departamental d'Arièja compta al mens tres "païses" que son Coseran, Savartés e Mirapeissés. S'i pòdon ajustar tanben un part de Volvèstre e de Garnagués, al sud de Lauragués, e Tèrrafòrt. La plana de Pàmias es encara quicòm mai, independenta qu'èra d'aqueles parçans a moment donat. La realitat dels nòstres parçans occitanofòns es plan mai complèxa e rica qu'un decopatge abstrait e arbitrari en "departaments franceses".

Lo trabalh meritòri d'aqueste professor — crane militant, tanben, a sas oras — nos remanda a quicòm que, culturalament, nos manca fòrça : una mapa d'Occitania plan detalhada (fins al 1/25000), non solament amb los noms de cada vila e vilatge en occitan, mas encara amb lo nom e las termièras istoricas dels païses istorics nòstres. Lauragués, per exemple, es espetat en quatre departaments dessenhats per de Parisencs (gents que se n'anèron far dralha de vida a París) sus de consideracions mai o mens inèptas e plan tròp sovent clarament destacadas de las realitats culturalas e economicas. N'arribam a de dificultats talas coma "Arièja e Coseran". A ma coneissença, e mai i ploga a ferrats, Montsegur a pas encara los pès dins l'aiga del riu Arièja, e lo Deluvi pòt encara esperar abans de lo negar !