Actualitats
Lo burèu nacional del PS a anonciat l’exclusion a l’unanimitat de Jérôme Cahuzac
“Lo burèu nacional reünit pronóncia uèi la siá exclusion del Partit Socialista”, çò anoncièt ièr lo PS de França en un comunicat.
“A agachant los sieus actes inacceptables per un elegit de la Republica e un membre del govèrn, la detencion d’un compte dissimulat a l’estrange per fraudariá al fisc, e sas messorgas al president de la Republica, a la representacion nacionala e als franceses, Jérôme Cahuzac a prejudicat grèvament lo Partit Socialista e los sieus principis”, çò ditz lo comunicat.
Jérôme Cahuzac aviá fach saber, la setmana passada, que desirava conservar son sèti de deputat. Lo president de l’Assemblada Nacionala, Claude Bartolone, a informat los mèdias que li demandarà d’i renonciar.
Jérôme Cahuzac foguèt elegit deputat de la 3a circonscripcion del departament occitan d’Òlt e Garona (Marmandés, Naut Agenés, Sèrras d’Agenés e Labrit), en junh de 2012, e foguèt remplaçat per son suplent, Jean-Claude Gouget, après son intrada al govèrn. La lei l’autoriza de reprene lo sieu sèti de deputat dins lo relambi d’un mes a partir de sa demission, es a dire fins al 19 d’abril.
“A agachant los sieus actes inacceptables per un elegit de la Republica e un membre del govèrn, la detencion d’un compte dissimulat a l’estrange per fraudariá al fisc, e sas messorgas al president de la Republica, a la representacion nacionala e als franceses, Jérôme Cahuzac a prejudicat grèvament lo Partit Socialista e los sieus principis”, çò ditz lo comunicat.
Jérôme Cahuzac aviá fach saber, la setmana passada, que desirava conservar son sèti de deputat. Lo president de l’Assemblada Nacionala, Claude Bartolone, a informat los mèdias que li demandarà d’i renonciar.
Jérôme Cahuzac foguèt elegit deputat de la 3a circonscripcion del departament occitan d’Òlt e Garona (Marmandés, Naut Agenés, Sèrras d’Agenés e Labrit), en junh de 2012, e foguèt remplaçat per son suplent, Jean-Claude Gouget, après son intrada al govèrn. La lei l’autoriza de reprene lo sieu sèti de deputat dins lo relambi d’un mes a partir de sa demission, es a dire fins al 19 d’abril.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
CAHUC: adj. (de Cahuzac, tipe de politic la Vena Republica arribista e profitaire). Caluc que se crei tot permés perque fa de politica e que, pas qu'en far son mea culpa a l'estil dels diagos, s'imagina que pòt tornar començar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari