Un centenat de militants anti-OGM intrèron diluns passat dins un sit del gigant estatsunidenc Monsanto a Trebes (Carcassés) per ensajar de verificar se i aviá de milhòc transgenic. Los manifestants de la Confederacion Païsana ensagèron d’intrar mas una brigada de gendarmas los en empediguèt. Las fòrças de l’òrdre, prevengudas de l’accion, èran ja sus plaça. En genièr de 2012, los militants anti-OGM avián descobèrt dins aquel sit de sacs de milhòc MON 810, que sa cultura èra enebida pel govèrn d’alavetz. Los militants protestavan atanben contra lo projècte d’expansion de las installacions de Monsanto a Trebes, en tot desplegar de bandieròlas que s’i podiá legir “OGM = menaça sus tot èsser viu” e “60 silos de mai = mai de pesticidas e mens d’abelhas”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal pas comprar a Monsanto las lavors, podes far conreu de plantas tradicionau. Oblidatz Monsanto si non vos platz pas. S'es finit lo problema.
E quora sèm a discutir se los OGM son mals o pas per la santat, Monsanto breveta un fum de plantas. Lèu serà fòrabandit de far son òrt sens lor pagar de royalties. Los OGM son mai un afar de gròs-sòus qu'un afar de santat publica, que son a metre dins una reflexion globala suls brevets et la proprietat intellectuala…
Tot aquò son de rasonaments entre ancians e modernes que doblidan çò mai important: Monsanto es l'afamaire d'Africa e aquesta sola activitat criminala basta per lo denónciar tant coma se pòt. Dich aquò, sembla que los badalaluna del "progrés" fan los estruces en doblidar l'amianta, los ensages nuclears, los medicaments nocius, e podèm remontar al mercuri, al plomb... totas aquelas causas que foguèron un "progrés" un còp èra. Rai, cal ben morir de quicòm!
Lo problèma soslinhat per en Jusep qu'ei de saber si un camp de milhòc o de blat non pausa pas un problèma per se. Qu'a totafèit rason. N'i a pas arren de naturau aquiu, ni lo camp ni la quita planta. E sustot pas lo milhòc, planta tropicau americana qui n'a pas arren a har hens las nostas regions temperadas e qui pausa de problèmas tà l'environament e tà la gestion de l'aiga. E lo rocafòrt, fin finala? De lheit fermentada e eslorida, aquò n'ei pas mei naturau qu'un OGM. Shens l'intervencion de l'òme, aquesta combinason de lheit, ferments lactics e penicillium n'ei absoludament pas possibla. E qui coneish los metabolitas qui'n resultan, d'aquera combinason? Pas degun. E lo risc deu rocafòrt entà la santat umana??? Qu'ei plan provat: brembatz-vos deu praube escolan provençau qui's morí pr'amor qu'avè minjat de hromatge d'oelha a la cantina en mai de 2007! Qu'èra simplament allergic. Aquò n'ei pas ua rason tà matar los tropèths d'oelha de José Bové ni tanpòc d'arrestar de minjar de rocafòrt (lhevat s'ètz allergic). Urosament, pr'amor que m'agrada a jo, lo rocafòrt.
Aquò dit, los milhòcs transgenics de monsanto qu'an un defècte màger: que son completament inutiles, tecnologicament. N'apòrtan pas arren. Totun, non cau pas con.hóner aqueths problèmas de la politica e de las plantas de Monsanto dab la tecnologia medisha qui non pausa pas nat problèma particular. La publicacion deus resultats qui's vòlen demostrar la dangerositat deu milhòc transgenic qu'ei dobtosa d'un punt de vista estatistic. Se non m'engani pas, los corn flakes son hèits essenciaument de milhòc d'argentina. Tots OGM. Que jo sapi, los corn flakes n'an pas matat degun. Contràriament au ròcafòrt.
Senher Julien, me podi dire one se pot trapar lo blat (triticum vulgare) a la natura. Se coneish pas ont. Si los OGM an de tenre menhs pesticidis de propia produccion se pode determinar,etc. Mas cal pas demonisar tota la produccion dei OGM. Es pas correcte l'arbitrarietat sus los conreus modificats. Adiu
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari