Actualitats
Frigide Barjot ensaja de s’escartar de la violéncia faissista omofòba
S’escarta de las agressions e demanda a Valls de metre los identitaris fòra estat de nòire son movement. Una associacion de Montpelhièr a refusat un don de la militanta conservatritz
L’umorista arpitana Frigide Barjot, tanben coneguda per sos engatjaments religioses e omofòbs, a demandat al ministre francés de l’interior, Manuel Valls, d’accions preventivas contra los “gropusculs identitaris”, que normalament manifèstan amb son movement contra lo maridatge per totes.
“Demandi a Manuel Valls, ministre de l’interior, que totes los gropusculs identitaris e nacionals [en comprenent l’estat francés coma nacion] sián preventivament meses fòra estat de nòire lo nòstre movement. Demandi que sián presas de mesuras de precaucion”, çò expliquèt la comedianta ièr a Le Monde.
Aital, lo movement contra lo maridatge per totes, que fa de rambalh dins l’estat francés dempuèi qualque temps, ensaja de s’escartar dels grèus atacs violents qu’an patit darrièrament d’endreches e de collectius omosexuals o de partisans del maridatge per totes.
Una associacion de Montpelhièr a refusat lo don de Frigide Barjot
Dins aquela via de netejar son imatge d’intolerància, Frigide Barjot ensagèt dimars passat de far un don a l’associacion montpelhierenca Lo Refugi (Le Refuge), qu’ajuda los joves omosexuals refusats per lors familhas. L’associacion a refusat aquel don.
“Los discorses de Dòna Barjot an contribuit al reviscolament dels actes omofòbs. D’adolescents nombroses nos an telefonat après las manifestacions contra l’egalitat dels dreches al matrimòni”, çò diguèt categoricament Nicolas Nauguier, president de l’associacion. “Se jòga pas amb los dons, se jòga pas amb la generositat!”, çò apondèt.
D’agressions a Lilla e a Bordèu
Dins las manifestacions antigais, i a de costuma d’incidents violents de part de joves militants de grops faissistas, e abans ièr un bar gai de Lilla foguèt atacat per quatre neonazis que provoquèron tres ferits. S’agís pas del primièr atac de violéncia omofòba dins l’estat francés.
Dimècres de nuèch, a Bordèu, un client del bar gai Go West foguèt la cibla d’un còp de cròça d’arma de ponnh, segon çò que rapòrta Sud Ouest.
Los individús, après aver agressat lo gojat a l’exterior de l’establiment, intrèron dedins en bandissent de veires e de botelhas, e fugiguèron.
“Los coneissèm”
“Los coneissèm, son totjorn los meteisses”, çò diguèt Frigide Barjot a Le Monde. La militanta conservatritz se planguèt tanben dels mèdias, qu’a sos uèlhs, donan tròp d’importància a aqueles faches violents en oblidant sas revendicacions, que son basicament de non permetre al collectiu omosexual de se maridar e d’adoptar d’enfants.
Per çò qu’es de sas paraulas de divendres 12 d’abril al Senat, quand diguèt: “que vòl lo president de la Republica? Vòl de sang? N’i aurà per sa fauta!”, Barjot reconeis qu’o deuriá pas aver dich e se desencusa, e mai se planh que la frasa siá estada tracha de son contèxt.
De menaças
Per se mostrar tanben coma victima, Frigide Barjot, o Virginie Tellenne —qu’es son nom oficial— anèt dissabte dins los locals de la polícia judiciària de París. Tellenne faguèt sa denóncia après aver recebut de menaças de mòrt sus son telefòn mobil, que visan atanben sos enfants. Ditz que recep cada jorn un cinquantenat d’SMS amb de menaças.
De son costat, Chantal Jouanno, senatritz UDI partisana del maridatge per totes, afirmèt egalament qu’es estada victima d’intimidacions pels opausants al maridatge omosexual.
“Demandi a Manuel Valls, ministre de l’interior, que totes los gropusculs identitaris e nacionals [en comprenent l’estat francés coma nacion] sián preventivament meses fòra estat de nòire lo nòstre movement. Demandi que sián presas de mesuras de precaucion”, çò expliquèt la comedianta ièr a Le Monde.
Aital, lo movement contra lo maridatge per totes, que fa de rambalh dins l’estat francés dempuèi qualque temps, ensaja de s’escartar dels grèus atacs violents qu’an patit darrièrament d’endreches e de collectius omosexuals o de partisans del maridatge per totes.
Una associacion de Montpelhièr a refusat lo don de Frigide Barjot
Dins aquela via de netejar son imatge d’intolerància, Frigide Barjot ensagèt dimars passat de far un don a l’associacion montpelhierenca Lo Refugi (Le Refuge), qu’ajuda los joves omosexuals refusats per lors familhas. L’associacion a refusat aquel don.
“Los discorses de Dòna Barjot an contribuit al reviscolament dels actes omofòbs. D’adolescents nombroses nos an telefonat après las manifestacions contra l’egalitat dels dreches al matrimòni”, çò diguèt categoricament Nicolas Nauguier, president de l’associacion. “Se jòga pas amb los dons, se jòga pas amb la generositat!”, çò apondèt.
D’agressions a Lilla e a Bordèu
Dins las manifestacions antigais, i a de costuma d’incidents violents de part de joves militants de grops faissistas, e abans ièr un bar gai de Lilla foguèt atacat per quatre neonazis que provoquèron tres ferits. S’agís pas del primièr atac de violéncia omofòba dins l’estat francés.
Dimècres de nuèch, a Bordèu, un client del bar gai Go West foguèt la cibla d’un còp de cròça d’arma de ponnh, segon çò que rapòrta Sud Ouest.
Los individús, après aver agressat lo gojat a l’exterior de l’establiment, intrèron dedins en bandissent de veires e de botelhas, e fugiguèron.
“Los coneissèm”
“Los coneissèm, son totjorn los meteisses”, çò diguèt Frigide Barjot a Le Monde. La militanta conservatritz se planguèt tanben dels mèdias, qu’a sos uèlhs, donan tròp d’importància a aqueles faches violents en oblidant sas revendicacions, que son basicament de non permetre al collectiu omosexual de se maridar e d’adoptar d’enfants.
Per çò qu’es de sas paraulas de divendres 12 d’abril al Senat, quand diguèt: “que vòl lo president de la Republica? Vòl de sang? N’i aurà per sa fauta!”, Barjot reconeis qu’o deuriá pas aver dich e se desencusa, e mai se planh que la frasa siá estada tracha de son contèxt.
De menaças
Per se mostrar tanben coma victima, Frigide Barjot, o Virginie Tellenne —qu’es son nom oficial— anèt dissabte dins los locals de la polícia judiciària de París. Tellenne faguèt sa denóncia après aver recebut de menaças de mòrt sus son telefòn mobil, que visan atanben sos enfants. Ditz que recep cada jorn un cinquantenat d’SMS amb de menaças.
De son costat, Chantal Jouanno, senatritz UDI partisana del maridatge per totes, afirmèt egalament qu’es estada victima d’intimidacions pels opausants al maridatge omosexual.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#17 Dirai puslèu - per èstre respectuós - que lor concepcion de la societat los andicapa.
#16 Ben non, son donc pas omofòbes, son simplement pecs.
#14 Lo mond que s'opausan al maridatge per totes considèron lo maridatge coma una institucion tradicionala e religiosa, e non civila. Donca an pas lo sentiment de privar los omosexuals d'un drech. Son donca pas omofòbas, quitament se d'unes o son... Cal evitar las simplificacions.
#14#13
Sei de consent coma Jan. Coma definir quauqu'un que per de las rasons religiosas considera que de la gent an pas d'aver lo mesme drech per que son diferents. E que lor norma religiosa considera quela diferéncia coma meschanta. Los negres avian pas d'arma, las femnas eran l'incarnacion de la tentacion e aura los omosexuaus an pas a se maridar ni a educar d'enfants.
Ço interessant es de veire que los servicis sociaus francés son pas de consent emb quela norma. Un cople omosexuau pot èsser familha d'acuelh per daus enfants en granda dificultat sociala. Coma me disia una amija lesbiana e familha d'acuelh : podem pas adoptar mas podem adobar las conariàs daus eteros.
#13 S'opausar a l'egalitat de dreches pels omosexuals, aquò's omofobia. Compreni pas d'autras rasons.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari