Los iperfrèns son una minoritat mentala que se caracteriza per la possession de capacitats intellectualas las mai elevadas de la populacion. Aquò vòl pas dire que la vida dels iperfrèns siá aisida, tot al contrari (veire l’article sus la naissença del collectiu IPER).
Un grop de professionalas de la santat mentala –de psicològas, de psiquiatras e psicomotricianas– se son amassadas per far avançar la recèrca suls iperfrèns. Aquesta aventura comença amb una enquista a destinacion dels iperfrèns meteisses que pòdon donar d’informacions preciosas sus la realitat singulara de la lora vida.
L’ambicion es de melhor comprene, e donc de poder melhor ajudar los iperfrèns que son nombroses a consultar. Efectivament, una part importanta dels iperfrèns patís de dificultats psicologicas o psiquiatricas. La question es pausada de saber s’es unicament la particularitat de l’iperfrenia que causa aquelas dificultats, o puslèu la condicion minoritària dels iperfrèns que rend la vida mai adversa. En tot cas, l’enjòc serà de prepausar de terapias adaptadas a aquel public plan singular que –mai que los autres encara– se pòt pas satisfar de suènhs aproximatius.
Lo collectiu IPER encoratja totis los iperfrèns a respondre a aquesta enquista que deu ajudar a comprene la complexitat intima de l’iperfrenia, e donc participar a melhorar la condicion dels iperfrèns.
Questionari en linha sul sit del Gropament associatiu de recèrca per las nautas capacitats (GARHP).
Pèire Frinc
Pel collectiu IPER
Un grop de professionalas de la santat mentala –de psicològas, de psiquiatras e psicomotricianas– se son amassadas per far avançar la recèrca suls iperfrèns. Aquesta aventura comença amb una enquista a destinacion dels iperfrèns meteisses que pòdon donar d’informacions preciosas sus la realitat singulara de la lora vida.
L’ambicion es de melhor comprene, e donc de poder melhor ajudar los iperfrèns que son nombroses a consultar. Efectivament, una part importanta dels iperfrèns patís de dificultats psicologicas o psiquiatricas. La question es pausada de saber s’es unicament la particularitat de l’iperfrenia que causa aquelas dificultats, o puslèu la condicion minoritària dels iperfrèns que rend la vida mai adversa. En tot cas, l’enjòc serà de prepausar de terapias adaptadas a aquel public plan singular que –mai que los autres encara– se pòt pas satisfar de suènhs aproximatius.
Lo collectiu IPER encoratja totis los iperfrèns a respondre a aquesta enquista que deu ajudar a comprene la complexitat intima de l’iperfrenia, e donc participar a melhorar la condicion dels iperfrèns.
Questionari en linha sul sit del Gropament associatiu de recèrca per las nautas capacitats (GARHP).
Pèire Frinc
Pel collectiu IPER
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per çò qu'es de patir, rai, lo que patís n'es generalament lo primièr informat. Encara que…
1) Mas… cossí un iperfrèn descobrís qu'es iperfrèn ? En passant de tèstes ? En patissent ? En capitant sos estudis ? En s'enuejant o en s'estrambordant a l'escòla ? S'aquò's en s'enuejant, devon èsser largament e pesugament majoritaris, los iperfrèns !!!
2) Quines son los critèris retengut per diagnosticar una iperfreenia ? De quina mena d'intelligéncia dita "superiora" son tocats aqueles subjèctes ? Comprenon de tira la mecanica autò, o la mecanica quantica ? O las doás a l'encòp ? S'an una intelligénica emocionala superiora tanben ? D'unes i a que son d'una eficiéncia estomacanta per çò qu'es d'analizar una orbitala en microfisica quantica e que son coma una mala sens ponhada quora s'agís de percebre los esmais d'un èsser aimat… De quina intelligéncia parlam aquí ? Matematica, logica, racionala, rasonabla (çò plan segur diferent de la precedenta !!!), transcendenta, sensoriala, instinctuala ? L'intelligéncia, aquò's coma LA lenga : existisson sonque d'intelligéncias, tant coma de lengas…
3) Pensatz seriosament que los ipofrèns, e los isofrèn, los patiments e los trebolums de l'anma non los tocan pas ? Vos cal anar visitar qualque pacient dels vòstres amics dins un "ostal de santat" especializat dins lo "tractament" (es a dire mai que mai la gestion quemica) de las malautiás nerviosas e veiretz un pauc cossí la maga,nha assucament cegament tant los piòts coma los cranes, sens grand dicerniment.
4) S'aquò's vertadièrament lor situacion de "minoritaris" que fa patir los ipefrèns, çò que me sembla a ieu mai probable, qué ne vira d'aqueles qu'an un modus vivendi, una lenga, una religion botats en situacion minoritària ? Qual se cossira dels sieus patiments, coma persona e coma membre d'un pòble el-meteis en grand patiment ?
5) Se lo minoritarisme es una malautiá que ne cal garrir, la solucion poiriá trobar sa fondamenta dins l'indepententisme mai radical, sens recórrer a cap potingas empoisonantas ni mai suspectosament lucrativas.
Mas de ieu, isofrèn dels mai comuns, vos diràn tot probablament qu'ai maissant esperit… Per quant al vòstre article, ai l'intiucion que ne ditz tròp, o pas pro. Vau anar saufnihhar del costat del ligam que nos prepausatz.
A Besièrs, i a un tipe qu'a fait petar la pòrta de la pòsta. A pas degut saber frenar. Es un ipofrèn, aqueste. Pas con, es partit amb la caissa. Ieu seriai puslèu partit amb la caissièra, mas bon. O ai pas jamai gausat faire. Deu èsser mon costat iperfrèn. D'alhors, soi fòrça mai sensible e ai besonh de sosten. Una e non serà pas pro per me sostenir. Sonatz-me Iperfrène! Iperfrène Victòr Maria Irène, tal es mon nom.
Es polit çò que legissèm al jornalet. Un pauc colhon, mas polit.
Per çò que per creire que las capacitats intellectualas son quantificablas, cal èsser un pauc colhon, quand mema.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari