De Canberra a las ribas de Lauquet, l’actualitat tretzista èra plan fornida aquesta dimenjada.
A Canberra, divendres, se joguèt l’ANZAC-tèst per remembrar la participacion del còs expedicionari australo-neozelandés a la Granda Guèrra. Long del primièr temps, los kiwis dominèron, mas se vegèron refusar tres ensags per l’arbitre-videò (6-6 a a pausa). A la represa, los cangorós pleguèron la partida amb quatre ensags en dètz minutas per l’emportar fin finala 32-12.
Dissabte, a Penrith, los Tongians s’impausèron aisidament fàcia a la formacion samoana: 36-4.
En Cup, los Dracs, amb una esquipa rejovenida, l’emportèron a Hunslet 50-12, mas lo talonaire Henderson prenguèt un carton roge. Lo Tolosa Olimpic se batèt duscas a la darnièra segonda a York per plegar 30-28.
Al torn seguent (11-12 de mai), los Dracs reçaupràn justament Yòrk. En cap d’aficha d’aqueles 1/8n de finala, la soposicions entre equipas de Super-Liga: HullFC-Wakefield, HullKR-Wigan, Londes-Bradfòrd, Warrington-Salfòrd e un mai que prometeire Huddersfield-Leeds!
En Nacionala 1, Realmont (venceire de Sant Llorenç de Salanca 16-7) e La Reula (14-0 fàcia a Salon) se disputaràn lo trofèu lo 8 de mai a Ramonvila.
En Nacionala 2, Ferrals de las Corbièras ganha a Pià (cò dels Guerrejaires) 22-10 e Clairac s’impausa contra El Soler: 14-12.
Finala tanben lo 8 de mai a Ramonvila. En Nacionala 3, èra la dimenjada dels quarts de finala.
Qualificacion per las 1/2 de St-Laurenç de la Cabrerissa (29-16 a Caús), Mennecy (40-20 fàcia a Tolon), Lo Lauquet-Preissan (66-10 contra Chatillon) e St-Martin de Crau que se desbarrassa del campion 2012 Vilanòva de Menerbés: 32-20.
En Promocion, Santa-Liurada bat Limós-Flassian 34-18, Ate dispausa de París 34-14, Chivau Blanc va ganhar a Naoned 24-18 e Val de Danha s’impausa a Gratentorn: 28-12.
Dissabte, se jogaràn las mièja-finalas del campionat junior entre d’una part Carcassona e Tolosa (Albi, 15 h) e d’autra part Dagonets e Avinhon (15h30, a Brutús) en dobertura de la partida de Super-Liga Dracs-Gigants d’Huddersfield.
Dissabte de vèspre, serà finalas de Copas a Lesinhan amb la Copa falcou (14h) entre Menerbés (Vialnòva) e Corbièras (St-Laurenç), puèi a 16 h, al finala de la Copa Déjean entre Vlagalhenc-Argon e Salses.
Puèi, dimenge, als Minimes de Tolosa, vendrà lo temps de las mièja-finalas del campionat d’Elèit entre Lesinhan e Dragonets a 14h30, puèi Tolosa-Pià a 16h30.
La finala del campionat es fixada al dimenge 5 de mai a 15h30 a Brutús e serà retrasmesa en dirècte per L’Équipe-21. E vos cal pas brica comptar sus ieu per dire se la finala serà catalano-catalana, occitano-occitana o occitano-catalana… Los jòcs e las partidas son dubèrts!
Alan Roch
A Canberra, divendres, se joguèt l’ANZAC-tèst per remembrar la participacion del còs expedicionari australo-neozelandés a la Granda Guèrra. Long del primièr temps, los kiwis dominèron, mas se vegèron refusar tres ensags per l’arbitre-videò (6-6 a a pausa). A la represa, los cangorós pleguèron la partida amb quatre ensags en dètz minutas per l’emportar fin finala 32-12.
Dissabte, a Penrith, los Tongians s’impausèron aisidament fàcia a la formacion samoana: 36-4.
En Cup, los Dracs, amb una esquipa rejovenida, l’emportèron a Hunslet 50-12, mas lo talonaire Henderson prenguèt un carton roge. Lo Tolosa Olimpic se batèt duscas a la darnièra segonda a York per plegar 30-28.
Al torn seguent (11-12 de mai), los Dracs reçaupràn justament Yòrk. En cap d’aficha d’aqueles 1/8n de finala, la soposicions entre equipas de Super-Liga: HullFC-Wakefield, HullKR-Wigan, Londes-Bradfòrd, Warrington-Salfòrd e un mai que prometeire Huddersfield-Leeds!
En Nacionala 1, Realmont (venceire de Sant Llorenç de Salanca 16-7) e La Reula (14-0 fàcia a Salon) se disputaràn lo trofèu lo 8 de mai a Ramonvila.
En Nacionala 2, Ferrals de las Corbièras ganha a Pià (cò dels Guerrejaires) 22-10 e Clairac s’impausa contra El Soler: 14-12.
Finala tanben lo 8 de mai a Ramonvila. En Nacionala 3, èra la dimenjada dels quarts de finala.
Qualificacion per las 1/2 de St-Laurenç de la Cabrerissa (29-16 a Caús), Mennecy (40-20 fàcia a Tolon), Lo Lauquet-Preissan (66-10 contra Chatillon) e St-Martin de Crau que se desbarrassa del campion 2012 Vilanòva de Menerbés: 32-20.
En Promocion, Santa-Liurada bat Limós-Flassian 34-18, Ate dispausa de París 34-14, Chivau Blanc va ganhar a Naoned 24-18 e Val de Danha s’impausa a Gratentorn: 28-12.
Dissabte, se jogaràn las mièja-finalas del campionat junior entre d’una part Carcassona e Tolosa (Albi, 15 h) e d’autra part Dagonets e Avinhon (15h30, a Brutús) en dobertura de la partida de Super-Liga Dracs-Gigants d’Huddersfield.
Dissabte de vèspre, serà finalas de Copas a Lesinhan amb la Copa falcou (14h) entre Menerbés (Vialnòva) e Corbièras (St-Laurenç), puèi a 16 h, al finala de la Copa Déjean entre Vlagalhenc-Argon e Salses.
Puèi, dimenge, als Minimes de Tolosa, vendrà lo temps de las mièja-finalas del campionat d’Elèit entre Lesinhan e Dragonets a 14h30, puèi Tolosa-Pià a 16h30.
La finala del campionat es fixada al dimenge 5 de mai a 15h30 a Brutús e serà retrasmesa en dirècte per L’Équipe-21. E vos cal pas brica comptar sus ieu per dire se la finala serà catalano-catalana, occitano-occitana o occitano-catalana… Los jòcs e las partidas son dubèrts!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari