Era bibliotèca de Vielha qu’a inaugurat er Espaci Culturau Aran Occitània
Eth baile de Vielha, Àlex Moga, qu'inauguraue er espaci acompanhat deth vicesindic d'Aran, Luís Carlos Medina e deth Cap de Cultura deth Govèrn d'Aran, Jèp de Montoya
Ager de ser que s’inaugurèt er Espaci Culturau Aran Occitània ena Bibliotèca Generau de Vielha, un espaci que da ua visibilitat especiau as libes ena nòsta lengua.
Era estatgèra de libes en occitan se tròbe ara en un espaci visible e priviliegiat dera bibliotèca, acompanhada de bèri mapes deth país e un ordenador que connècte damb eth hons numeric dera mediateca Occitanica.
Entre es libes en occitan que i podem trobar autors locaus coma Jusèp Condò, Xavi Gutiérrez, Pepita Caubet, Manuela Ané, entre fòrça d’auti; e tanben autors dera rèsta deth país coma Pèire Bec, Joan Bodon, Frederic Mistral o Robèrt Lafont... I a quitament un exemplar dera gramatica d’Alibèrt de 1935 cedit pera Bibliotèca de Catalonha.
Eth hons bibliografic occitan ven deth Conselh Generau d’Aran, der Ajuntament de Vielha, der Institut d’Estudis Occitans, dera Bibliotèca de Balaguer, dera Bibliotèca de las Escòlas e de dons de particulars. Tanben i a ua seccion de musica.
FM
Er Espaci Culturau Aran Occitània dera Bibliotèca Generau de Vielha
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca als araneses !
Se las bibliotècas regionalas e comunalas de las vilas occitanas administradas per França e per Itàlia faguèsson parier, lo monde seriá mai al fil de çò qu'es l'occitan !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Perdonatz, més i a un error, no ei Paquita Caubet, ei PEPITA Caubet. ;)
Òsca als araneses !
Se las bibliotècas regionalas e comunalas de las vilas occitanas administradas per França e per Itàlia faguèsson parier, lo monde seriá mai al fil de çò qu'es l'occitan !
Se pòt consultar lo catalògue de libes qui i son?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari