Actualitats
Catastròfa en Bangladèsh. Las grandas entrepresas de vestits mesas en question
Qualques fabricas de la bastissa esfondrada provesissián de produches a Mango, Primark e Benetton, segon Reuters. Ja i a mai de dos cents mòrts
L’esfondrament d’una bastissa a Dhaka, capitala de Bangladèsh, a mes en question la moralitat de las grandas entrepresas de vestits e las condicions de trabalh dels emplegats de l’indústria textila dins lo país, ont las bassas despensas de produccion, pr’amor de condicions de trabalh precàrias, i an menat de mai en mai d’entrepresas estatsunidencas e europèas.
L’incendi e esfondrament d’una bastissa de uèch estancis, dimècres passat, provoquèt la mòrt de mai de dos cents personas, que la majoritat son de femnas trabalhadoras; tanben, mai d’un milièr de personas son estadas feridas. Dins la bastissa i aviá de fabricas textilas destinadas al mercat occidental e un centre comercial. Lo nombre de mòrts pòt aumentar perque encara i a de mond atrapats entre las roïnas.
Doas de las fabricas textilas de la bastissa, New Wave Style e New Wave Bottom, an provesit de produches a bon mercat a de companhiás coma Mango (Catalonha), Primark (Reialme Unit) e Benetton (Itàlia), segon d’informacions de Reuters. Mango e Benetton an negat que lors fornidors de Bangladèsh sián restacats amb la catastròfa, mas Reuters a trobat dins las roïnas de la bastissa de documents amb d’òrdres de crompa qu’avián los noms d’aquelas entrepresas.
Al delà, ièr se saupèt que los proprietaris de la bastissa avián desobesit a las autoritats. Las autoritats avián recomandat de barrar e d’evitar que los trabalhadors intrèsson dins la bastissa perque, dimars, s’i èran trobadas divèrsas fendasclas. “I voliam pas intrar, mas los caps nos i obliguèron”, çò a dich a Bdnews24 Nurul Islam, un dels trabalhadors ferits.
En novembre passat, una catastròfa similara se passèt dins una banlèga industriala de Dhaka, ont se fabricava de pèças per de botigas detalhantas europèas e per de grands magazins europèus. Mai de cent emplegats i moriguèron.
Mai d’informacions:
– Vilaweb: Les grans empreses de roba, en el punt de mira després del desastre de Bangladeix
– The Wall Street Journal - India Realtime: Collapse Renews Calls For Safety Agreement
– BBC News: Frantic search for survivors after Dhaka building collapse
– Bdnews: No-one knows how many are trapped
L’incendi e esfondrament d’una bastissa de uèch estancis, dimècres passat, provoquèt la mòrt de mai de dos cents personas, que la majoritat son de femnas trabalhadoras; tanben, mai d’un milièr de personas son estadas feridas. Dins la bastissa i aviá de fabricas textilas destinadas al mercat occidental e un centre comercial. Lo nombre de mòrts pòt aumentar perque encara i a de mond atrapats entre las roïnas.
Doas de las fabricas textilas de la bastissa, New Wave Style e New Wave Bottom, an provesit de produches a bon mercat a de companhiás coma Mango (Catalonha), Primark (Reialme Unit) e Benetton (Itàlia), segon d’informacions de Reuters. Mango e Benetton an negat que lors fornidors de Bangladèsh sián restacats amb la catastròfa, mas Reuters a trobat dins las roïnas de la bastissa de documents amb d’òrdres de crompa qu’avián los noms d’aquelas entrepresas.
Al delà, ièr se saupèt que los proprietaris de la bastissa avián desobesit a las autoritats. Las autoritats avián recomandat de barrar e d’evitar que los trabalhadors intrèsson dins la bastissa perque, dimars, s’i èran trobadas divèrsas fendasclas. “I voliam pas intrar, mas los caps nos i obliguèron”, çò a dich a Bdnews24 Nurul Islam, un dels trabalhadors ferits.
En novembre passat, una catastròfa similara se passèt dins una banlèga industriala de Dhaka, ont se fabricava de pèças per de botigas detalhantas europèas e per de grands magazins europèus. Mai de cent emplegats i moriguèron.
Mai d’informacions:
– Vilaweb: Les grans empreses de roba, en el punt de mira després del desastre de Bangladeix
– The Wall Street Journal - India Realtime: Collapse Renews Calls For Safety Agreement
– BBC News: Frantic search for survivors after Dhaka building collapse
– Bdnews: No-one knows how many are trapped
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari