Diluns 22 d’abril se difusèt lo darrièr episòdi de la segonda temporada de “Polseres Vermelles” (Braçalets Roges), la seria televisuala de la cadena nacionala catalana TV3.
Aqueste fuelheton conta l’istòria d’unes joves malauts dins un espital de Barcelona que se fargan un grop per poder superar las espròvas que devon passar: los patiments fisics, las operacions, la quimioterapia, l’embarrament. Mas lo grop serà tanben lo lòc que s’i compartiràn los moments de bonaür coma la descobèrta de l’amistat e de l’amor, los jòcs de l’adolescéncia, los rescontres, las rebellions e sustot la gana de mossegar la vida a bel cais.
Líder del grop e de la seria, Lleó es jogat per l’Àlex Monner (vist tanben dins lo filme “Herois”). Aqueste jove actor catalan ten una energia fisica e mentala pauc comuna e un biais epidermic de far passar las emocions. Se veirà çò que l’avenidor li reserve mas ja se pòt dire que possedís granas de la meteissa mena qu’un actor total coma en Sergi López.
La seria a tengut un enòrme succès en Catalonha a l’encòp del punt de vista de l’audiència (fins a 25 % de las parts d’audiència, siá 850 000 telespectators al Principat) coma del punt de vista de la critica que la qualitat de la realizacion es estada presada sens ambigüitat. Un element qu’a contribuit sens cap de dobte al succès es l’integracion a la seria de mantuna cançons catalanas que pegavan perfaitament a l’istòria.
Lo director de la seria es en Pau Freixas e lo scenarista n’es l’Albert Espinosa, una figura plan remarcada dins lo monde audiovisual catalan.
La magia de l’Internet permet al planèta de vistalhar totes los episòdis en replay (i a quitament lo jostitolatge en catalan). En Occitània, la cadena Numéro 23 a difusit la primièra temporada amb doblatge en francés. Es disponibla tanben en replay.
La capitada e la qualitat d’aquesta produccion fan la pròva qu’una alternativa a la television francesa es possibla en Occitània e que lo monopòli de la television francesa es pas una fatalitat. Basta dirigir l’internet cap a TV3 per se liberar lo cap de la centralista TV parisenca.
“Polseres Vermelles” es tanben la ficcion nòstra.
Terric Lausa
Aqueste fuelheton conta l’istòria d’unes joves malauts dins un espital de Barcelona que se fargan un grop per poder superar las espròvas que devon passar: los patiments fisics, las operacions, la quimioterapia, l’embarrament. Mas lo grop serà tanben lo lòc que s’i compartiràn los moments de bonaür coma la descobèrta de l’amistat e de l’amor, los jòcs de l’adolescéncia, los rescontres, las rebellions e sustot la gana de mossegar la vida a bel cais.
Líder del grop e de la seria, Lleó es jogat per l’Àlex Monner (vist tanben dins lo filme “Herois”). Aqueste jove actor catalan ten una energia fisica e mentala pauc comuna e un biais epidermic de far passar las emocions. Se veirà çò que l’avenidor li reserve mas ja se pòt dire que possedís granas de la meteissa mena qu’un actor total coma en Sergi López.
La seria a tengut un enòrme succès en Catalonha a l’encòp del punt de vista de l’audiència (fins a 25 % de las parts d’audiència, siá 850 000 telespectators al Principat) coma del punt de vista de la critica que la qualitat de la realizacion es estada presada sens ambigüitat. Un element qu’a contribuit sens cap de dobte al succès es l’integracion a la seria de mantuna cançons catalanas que pegavan perfaitament a l’istòria.
Lo director de la seria es en Pau Freixas e lo scenarista n’es l’Albert Espinosa, una figura plan remarcada dins lo monde audiovisual catalan.
La magia de l’Internet permet al planèta de vistalhar totes los episòdis en replay (i a quitament lo jostitolatge en catalan). En Occitània, la cadena Numéro 23 a difusit la primièra temporada amb doblatge en francés. Es disponibla tanben en replay.
La capitada e la qualitat d’aquesta produccion fan la pròva qu’una alternativa a la television francesa es possibla en Occitània e que lo monopòli de la television francesa es pas una fatalitat. Basta dirigir l’internet cap a TV3 per se liberar lo cap de la centralista TV parisenca.
“Polseres Vermelles” es tanben la ficcion nòstra.
Terric Lausa
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari