Actualitats
Serbia s’excusa per lo primièr còp de l’istòria per la matança d’Srebrenica
“Me meti de genolhs e demandi perdon”, çò a declarat lo president sèrbe, Tomislav Nikolić
Per la primièra vegada de l’istòria, Serbia a demandat perdon per la matança d’Srebrenica (Bòsnia e Ercegovina), ont moriguèron 8000 musulmans. En una entrevista a la television publica bosniana BHT, lo president sèrbe, lo nacionalista Tomislav Nikolić, a demandat excusa de manièra explicita pels faches: “Me meti de genolhs e demandi que Serbia siá perdonada pel crime comés a Srebrenica”. Totparièr, a refusat de reconéisser que se tractèt d’un genocidi, en tot defendre qu’aquò encara s’es pas provat. “Demandi perdon pels crimes comeses per quina persona que siá en nom de nòstre estat e de nòstre pòble”, a dich Nikolić en l’entrevista.
Nikolić, de passat ultranacionalista sèrbe, despertava fins ara de malfisanças entre fòrça bosnians. Sas declaracions a la television bosniana, ça que la, mòstran un cambiament prigond, ja qu’abans cap de mandatari de Serbia aviá pas jamai demandat perdon. L’entrevista completa se poirà veire lo 7 de mai venent mas la television n’a difusat qualques fragments a Internet.
El 1995 aperaquí 8000 musulmans foguèron assassinats après que las tropas sèrbobosnianas, menadas per Ratko Mladić, conquistèsson Srebrenica.
_____
Mai d’informacion sus Vilaweb:
— Quinze anys de la vergonya de Srebrenica (13.7.2010)
— Mladic, a judici pel genocidi de Srebrenica (16.5.2012)
Nikolić, de passat ultranacionalista sèrbe, despertava fins ara de malfisanças entre fòrça bosnians. Sas declaracions a la television bosniana, ça que la, mòstran un cambiament prigond, ja qu’abans cap de mandatari de Serbia aviá pas jamai demandat perdon. L’entrevista completa se poirà veire lo 7 de mai venent mas la television n’a difusat qualques fragments a Internet.
El 1995 aperaquí 8000 musulmans foguèron assassinats après que las tropas sèrbobosnianas, menadas per Ratko Mladić, conquistèsson Srebrenica.
_____
Mai d’informacion sus Vilaweb:
— Quinze anys de la vergonya de Srebrenica (13.7.2010)
— Mladic, a judici pel genocidi de Srebrenica (16.5.2012)
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que vergonha.... l'imperialisme UE, NATO e USA demòron a mishon dins li Balcans. Paure serb derant bombardats e eira lor chal se excusar per aver defes la Yu de l'imperialisme, de lo secessionisme illegal e de la matança de lo lor pòble eme dessot la protecion de USA e UE.
Un jorn esperen que ganharen finalament la lor libertat e la lor indipendencia!
Demandar perdon ja es quicòm excellent. Dire qu'òm demanda perdon de genolhons, es quicòm bon. Mas anar a Srebrenica e se metre de genolhons fàcia al pòble Musulman de Bòsnia e Ercegoniva es una autra dimension.
Aconselhi a aqueste mossuròt de Nikolić de prendre exemple sus Willy Brandt (http://4.bp.blogspot.com/-PbPuIdaHN84/TqheqTSg9bI/AAAAAAAADF8/daPvk3BKtwQ/s1600/willy-brandt-kniefall-warschauer-ghetto-jpg.jpg)
Los sèrbs, que son crestians, deurián saber que Dieu demanda que lo perdon siá sincèr.
Pel èssers umans demandar perdon basta pas: cal trabalhar a reparar l'irreparable prejudici.
Ieu tanpauc, coma Sr. Bourdon, cresi pas gaire a aquesta sinceritat. Sembla una sinceritat de circonstàncias cap a l'EU.
Lo pèc del vilatge diriá: "Es milhor que pas res"...
Un gran progrès puishque segon lo recit ultranacionalista sèrbe de l'istòria de la guèrra de Bòsnia, "ne i a[vè] pas jamei nat massacre a Srebrenica". Mes ne s'i cau pas enganar, lo gèste de Nikolić qu'ei a destinacion de l'Union europèa de la quau e cèrca de s'apressar, non a destinacion deus bosniacs de cultura musulmana. Mes bon, n'ei pas mau, totun, per un ancian militant de l'extrèma-dreta sèrba.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari