L’anonci es important e mancarà pas d’aver de consequéncias politicas importantas dins la zòna: lo PKK, rebellion armada luchant per l’autonomia de Curdistan e per lo socialisme, va benlèu laissar l’Estat turc per tornar en Iraq. La decision es estada presa per Abdullah Öcalan, lo menaire dau PKK empresonat dempuei 1999 e que pasmens demòra fòrça influent.
La setmana passada, Murat Karayılan, l’actuau cap militar de l’organizacion armada, a confirmat aquela informacion en anonciant la fin de la preséncia dau PKK dins aquela zòna dau país. Dins un tèxte publicat per una partida de la premsa turca, precisèt lei condicions d’aquela retirada. Partent dau 8 de mai, lei combatents curds se n’anaràn, sens armas e per grops, fins a la termiera amb Iraq. En còntrapartida, lo PKK demanda au governament turc de l’AKP de pas bombardar lei tropas curdas e de declarar, eu tanben, una alta au fuec permanenta. Enfin Karayılan declarèt qu’un comitat liure foguèt creat per susvelhar lo debanament d’aqueu movement.
Sus son sit web, lo PKK apèla a l’union de totei lei fòrças de senèstra de Turquia que sostenon una resolucion democratica dau conflicte opausant dempuei de decadas lo pòble curd e l’Estat turc. Aquelei fòrças devon “jogar un ròtle actiu dins aqueu procès e pas solament criticar a distància”, segon lei mots dau Partit dei Trabalhadors de Curdistan, que se felicita d’aver menat l’AKP a negociar amb eu.
D’efiech, se lo PKK quita efectivament lo territòri turc, seriá una polida victòria per leis islamistas turcs au poder dempuei 2002. La resolucion, e mai parciala, de la guèrra qu’a fach tant de damatge dins la populacion pesarà per leis escrutinis venents. Per lo PKK, l’ambicion es tanben de trobar una legitimitat au près de la comunautat internacionala. Un primier pas es estat fach recentament per l’APCE, l’Assemblada Parlamentària dau Conseu d’Euròpa, que considèra pas mai lo PKK coma una organizacion terrorista. Una resolucion adoptada a la granda majoritat lo 23 d’abriu parla d’“activistas” per designar lei militants dau PKK.
Matieu Casanòva
La setmana passada, Murat Karayılan, l’actuau cap militar de l’organizacion armada, a confirmat aquela informacion en anonciant la fin de la preséncia dau PKK dins aquela zòna dau país. Dins un tèxte publicat per una partida de la premsa turca, precisèt lei condicions d’aquela retirada. Partent dau 8 de mai, lei combatents curds se n’anaràn, sens armas e per grops, fins a la termiera amb Iraq. En còntrapartida, lo PKK demanda au governament turc de l’AKP de pas bombardar lei tropas curdas e de declarar, eu tanben, una alta au fuec permanenta. Enfin Karayılan declarèt qu’un comitat liure foguèt creat per susvelhar lo debanament d’aqueu movement.
Sus son sit web, lo PKK apèla a l’union de totei lei fòrças de senèstra de Turquia que sostenon una resolucion democratica dau conflicte opausant dempuei de decadas lo pòble curd e l’Estat turc. Aquelei fòrças devon “jogar un ròtle actiu dins aqueu procès e pas solament criticar a distància”, segon lei mots dau Partit dei Trabalhadors de Curdistan, que se felicita d’aver menat l’AKP a negociar amb eu.
D’efiech, se lo PKK quita efectivament lo territòri turc, seriá una polida victòria per leis islamistas turcs au poder dempuei 2002. La resolucion, e mai parciala, de la guèrra qu’a fach tant de damatge dins la populacion pesarà per leis escrutinis venents. Per lo PKK, l’ambicion es tanben de trobar una legitimitat au près de la comunautat internacionala. Un primier pas es estat fach recentament per l’APCE, l’Assemblada Parlamentària dau Conseu d’Euròpa, que considèra pas mai lo PKK coma una organizacion terrorista. Una resolucion adoptada a la granda majoritat lo 23 d’abriu parla d’“activistas” per designar lei militants dau PKK.
Matieu Casanòva
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se faguesse cort, poiriái comprene coma aquò:
Aquela decision del PKK pòt afavorir la montada de l'islamisme en Turquia.
Lo PKK a pres aquesta decision per trapar una legitimitat alprèp de la comunautat internacionala.
Ergo: la comunautat internacionala se'n fot de la montada de l'islamisme en Turquia, valent a dire dins lo monde.
Me damne! Doblidavi que la comunautat internacionala quita pas de lecar las babochas de Qatar, Aràbia Saudita, Barhein... lo petroislamisme, qué!
:o me fau lesir un pauc mai las nòvas 'questes jorns. Ai completament mancat 'quela aquí.
Mercés plan!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari