Actualitats
Un naut dirigent de la FIFA ataca Qatar
“La riquesa qatarita s’estend coma un càncer al fotbòl”, çò a dich, e remembra la polemica atribucion de la Copa del Mond de 2022
Theo Zwanziger, membre del comitat executiu de la Federacion Internacionala de Fotbòl Associacion (FIFA) e èx-president de la Federacion Alemanda de Fotbòl, a atacat lo ròtle de Qatar en aquel espòrt dins una entrevista al jornal Frankfurter Allgemeine Zeitung. Segon Zwanziger, “la riquesa qatarita s’estend coma un càncer al fotbòl e a l’espòrt”, del temps que remembrava las acusacions de corrupcion contra Qatar, mai que mai tocant l’atribucion de la Copa del Mond de fotbòl de 2022. “Aquela atribucion es almens discutibla”, çò diguèt, mentre qu’apondiá: “Aquel pichon estat utiliza sa poténcia economica per influenciar las decisions politicas e esportivas”.
Dins aquela entrevista, Zwanziger critica tanben que qualques clubs accèpten de cambiar las datas de lors competicions per se poder adaptar a un ipotetic campionat del Mond d’ivèrn. S’agís d’un afar vièlh pr’amor que la Copa del Mond en Qatar la caldriá jogar, coma totjorn, en estiu, mas en Qatar, en julhet e agost, las temperaturas son tostemps superioras als 40 gras. Es per aquò que fa ja temps que se parla de la possibilitat de far la Copa del Mond en ivèrn.
De grands investiments en de clubs europèus: Barça, PSG...
De fach, amb los investiments esportius, Qatar capita d’èsser conegut dins lo Mond non coma una dictatura mas coma un país modèrne, atractiu e de mòda. Mejançant l’entrepresa publica Qatar Sports Investments, Qatar es lo proprietari del París-Saint Germain (PSG), que l’aqueriguèt per cinquanta milions d’èuros en junh de 2011 e que lo gerís dirèctament. D’un autre costat, paga trenta milions d’èuros per an per esponsorizar la camiseta del Barça. Pel PSG, en dos ans, Qatar i a aponchat de jogaires per una valor de 250 milions d’èuros, çò qu’a revolucionat lo mercat europèu e a mes lo PSG en una primièra tièra que pendent de decennis aviá pas pogut aténher. Es un investiment dels fòrts, mas aquò pòrta pas de problèmas perque lo deficit del club es resolgut gràcias a un acòrdi generós amb Torisme de Qatar, que portarà 600 milions d’èuros en quatre ans. L’estrategia qatarita per venir una de las pèças clau del fotbòl mondial a doas brancas de mai: Al Jazira Sports e la Copa del Mond de 2022.
Zwanziger, critic amb Havelange
Fin finala, Zwanziger es fòrça critic amb lo sieu successor a la Federacion Alemanda de Fotbòl, Wolfgang Niersbach, perque a pas una posicion pro incisiva quant a l’èx-president de la FIFA João Havelange, implicat en un grèu cas de corrupcion. “Perqué la federacion alemanda pòrta pas a la FIFA una resolucion en sollicitant la retirada de la presidéncia onorària, qu’Havelange la sèrva encara?”, se demanda.
Dins aquela entrevista, Zwanziger critica tanben que qualques clubs accèpten de cambiar las datas de lors competicions per se poder adaptar a un ipotetic campionat del Mond d’ivèrn. S’agís d’un afar vièlh pr’amor que la Copa del Mond en Qatar la caldriá jogar, coma totjorn, en estiu, mas en Qatar, en julhet e agost, las temperaturas son tostemps superioras als 40 gras. Es per aquò que fa ja temps que se parla de la possibilitat de far la Copa del Mond en ivèrn.
De grands investiments en de clubs europèus: Barça, PSG...
De fach, amb los investiments esportius, Qatar capita d’èsser conegut dins lo Mond non coma una dictatura mas coma un país modèrne, atractiu e de mòda. Mejançant l’entrepresa publica Qatar Sports Investments, Qatar es lo proprietari del París-Saint Germain (PSG), que l’aqueriguèt per cinquanta milions d’èuros en junh de 2011 e que lo gerís dirèctament. D’un autre costat, paga trenta milions d’èuros per an per esponsorizar la camiseta del Barça. Pel PSG, en dos ans, Qatar i a aponchat de jogaires per una valor de 250 milions d’èuros, çò qu’a revolucionat lo mercat europèu e a mes lo PSG en una primièra tièra que pendent de decennis aviá pas pogut aténher. Es un investiment dels fòrts, mas aquò pòrta pas de problèmas perque lo deficit del club es resolgut gràcias a un acòrdi generós amb Torisme de Qatar, que portarà 600 milions d’èuros en quatre ans. L’estrategia qatarita per venir una de las pèças clau del fotbòl mondial a doas brancas de mai: Al Jazira Sports e la Copa del Mond de 2022.
Zwanziger, critic amb Havelange
Fin finala, Zwanziger es fòrça critic amb lo sieu successor a la Federacion Alemanda de Fotbòl, Wolfgang Niersbach, perque a pas una posicion pro incisiva quant a l’èx-president de la FIFA João Havelange, implicat en un grèu cas de corrupcion. “Perqué la federacion alemanda pòrta pas a la FIFA una resolucion en sollicitant la retirada de la presidéncia onorària, qu’Havelange la sèrva encara?”, se demanda.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sénher Zwanziger deu ésser un dels paucs qu'a pas paupat de petrodolars. Se vòl entamenar una lucha contra lo poiridum dins lo fotbòl, li desiri bon coratge!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari