Actualitats
Un jove a tuat tres passants en los fusilhar per carrièras, a Istre
Una quatrena persona es estada ferida a l’aurelha. La polícia arrestèt sul pic lo suspècte, un jove de 19 ans amb de desequilibris mentals
Un òme aparentament desequilibrat e armat amb una Kalashnikov tuèt dijòus passat tres personas e ne feriguèt una quatrena a l’aurelha, en las fusilhar per carrièras, a Istre (Crau).
La polícia arrestèt lo presumit assassin, un jove de 19 ans, près de l’endrech de la fusilhada. Lo jove, nomenat Karl Rose, èra ja conegut per la polícia per qualques afrontaments e per possession d’armas enebidas, segon de fonts policièras de Marselha.
Aparentament, las victimas foguèron causidas a l’azard pel suspècte, que patiriá un desequilibri mental e qu’aviá pas agut ges de contacte prèvi amb cap de victima.
“Sembla qu’aquela persona aviá una arma de grand calibre, una Kalashnikov, e tirèt sus la multitud”, çò diguèt lo ministre de l’Interior, Manuel Valls, als jornalistas a París. “Es una situacion fòrça inquietanta e demòstra encara un còp lo problèma de las armas en circulacion”, çò apondèt lo ministre. Après se n’anèt sul pic a Istre.
Declaracions del ministre Manuel Valls sus plaça
Testimoniatge de la tanta de Karl Rose
La polícia arrestèt lo presumit assassin, un jove de 19 ans, près de l’endrech de la fusilhada. Lo jove, nomenat Karl Rose, èra ja conegut per la polícia per qualques afrontaments e per possession d’armas enebidas, segon de fonts policièras de Marselha.
Aparentament, las victimas foguèron causidas a l’azard pel suspècte, que patiriá un desequilibri mental e qu’aviá pas agut ges de contacte prèvi amb cap de victima.
“Sembla qu’aquela persona aviá una arma de grand calibre, una Kalashnikov, e tirèt sus la multitud”, çò diguèt lo ministre de l’Interior, Manuel Valls, als jornalistas a París. “Es una situacion fòrça inquietanta e demòstra encara un còp lo problèma de las armas en circulacion”, çò apondèt lo ministre. Après se n’anèt sul pic a Istre.
Declaracions del ministre Manuel Valls sus plaça
Testimoniatge de la tanta de Karl Rose
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari