Naishut en 1916 en Principat de Mónego e defuntat en 1993 en Itàlia, Leo Ferre ès l’autor-compositor-interprète e pianista monegasc’o mai prolífico. A realisat mai d’una quarantena d’albomes originals en 46 anes de mestíer despui l’albom “París canalha” (títol original en francés “Paris canaille”) sortit en 1953 a “Una sason en enfern” (títol fr. “Une saison en enfer”) en 1991.
 
‘A comuna de Mónego avia onorat l’artista –conoishut per’us sens (sos) engatjaments anarquistas– en nomenant en 2003 una plhaceta dal quartíer das’Spelugas (Mont Carles) al sen nome:’a “Place Léo Ferré”. Est an per’us 20 anes dal sen decès,’us’studiants de primiera annaia d’o Pabalhon Bòsio-’Scòra Superiora d’Arts Plastics de Mónego (Pavillon Bosio, ESAP) participan a’as celebracions damb un concors de creacion d’afichas per celebrar l’artista. L’8 de mai’us’scorans de l’Acadèmia de música Rainier III entamenaràn’a fèsta en far un concèrt intitulat “‘O carlevà (carnaval) dal Mondo”.
 
‘A “Sara (sala) dal Canton“ una das mai grandai saras de’spectàcolo dal Principat serà bateaia per’a comuna’o “‘Spaci Leo Ferre” l’11 dal mes de Sant Joan (junh) a 11h30. Après d’aiçò, una seria de concèrts, eveniments e activitats artísticai se debanarà dal mes de Sant Joan fint a’a fin de l’annaia.
 
Dal 12 dal mes de Sant Joan al 5 de dal mes d’a Madalena (julhet) ‘o ’Spaci Leo Ferre veirà una exposicion de fòtos pilhaias de l’artista per André Villers. ’O 18 dal mes de Sant Joan a 19h a ’a Mediatèca de Mónego (site d’a bibliotèca Louis Notari) i aurà una retransmission d’un dals mai famoses concèrts en direit de Leo Ferre.’ A Mediatèca prevei dins ’us meses a venir una conferença sus Ferre.
 
‘O 19 dal mes de Sant Joan a 20h a l’Auditoriom Rainier III ’us ’scorans de l’Acadèmia Rainier III festearan mai Ferre per un concèrt de gala. ’O 5 dal mes d’a Madalena a 20h 30 al’Spaci Leo Ferre, l’artista Catarina Lara donarà un concèrt “Una votz per Ferre”.’O 10 dal mes d’a Madalena e ’o 19 d’aost de 19h 30 a 22h 30 a l’square Gastaud l’artista Charly Vaudano jugarà de Ferre. Enfin,’o 9 d’aost a 20h a l’Òrt exòtico Miquel Avallon farà un concèrt nuechenc al sen omenatge avanch’o concors piromelodic de fuegs d’artifici que se ten cada estade (estiu) sus’o pòrt Ercule de Mónego.
 
Mai d’informacions.
 
 
 
 
Loís Maion de Sant Roman