Actualitats
Lo govèrn abcaz assegura que la siá populacion etnica torna dempuèi Siria
Las gents que se desplaçan son de descendents de muhajirs del sègle XIX que fujon la guèrra civila
Cinc abcazes etnics de Siria se son desplaçats en Abcazia dempuèi l'inici de 2012, segon lo Comitat Estatal per la Repatriacion d'aquela republica caucasenca, segon lo jornal Kavkazkii Uzel. Al delà, 85 abcazes son preparats per se desplaçar long de l'annada.
Aquel jornal numeric ditz que las autoritats abcazas dessenhèron al principi de l'an un plan amb l'ambaissada russa de Siria e los centres culturals abcazes de Turquia. La tòca d'aquel plan èra de balhar als abcazes de Siria l'oportunitat de fugir la guèrra civila e de s'installar en Abcazia.
Las gents que se desplaçan cap a Abcazia son de descendents dels muhajirs caucasencs; d'abcazes que fugiguèron Caucàs entre 1860 e 1870 après que l'empèri rus ne conquistèsse lo país.
Aqueste article ven del jornal catalan Nationalia.cat, amb qui Jornalet a un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari